Máselen, sıfrlyq maınıng boıynsha qyzmetti júzege asyrýdy josparlaıtyn zańdy tulǵalar ýákiletti organdardy elektrondyq ótinish túrinde habardar etýi tıis.
Esepteý operasııalaryn oryndaý jáne derekterdi óńdeý úshin keshendi esepteý ınfraqurylymyn qamtamasyz etý boıynsha qyzmetter kórsetýdi josparlaıtyn zańdy tulǵalar sıfrlyq maınıngti júzege asyratyn tulǵalarǵa sıfrlyq maınıngti júzege asyratyn tulǵalarmen shart jasasqan sátten bastap kúntizbelik 30 kún ishinde elektrondyq ótinish túrinde ýákiletti organdy habardar etýi tıis.
Budan basqa, bul sýbektiler ýákiletti organǵa óz qyzmeti týraly aqparatty toqsan saıyn elektrondyq formatta beretin bolady.
Qujat jobasy 2022 jylǵy 14 naýryzǵa deıin «Ashyq NQA» portalynda jarııa talqylaý úshin ornalastyrylǵan.
