QR-nyń dinı qyzmetin jáne dinı birlestikter týraly zańnamasyn buzǵandardyń árqaısysyna 102 095 teńge kóleminde aıyppul salyndy.
Quqyqbuzýshylar Atyraý oblysy Polısııa departamentiniń qyzmetkerleri Din ister basqarmasynyń qyzmetkerlerimen birlesip, oblys boıynsha zańsyz dinı materıaldardyń taralýy jáne satylýynyń aldyn alý maqsatynda ótkizilgen reıdtik is-shara kezinde anyqtaldy. Máselen, 1989 jyly týǵan azamatsha saýda oıyn-saýyq ortalyǵyndaǵy jármeńkede 4 dinı oqýlyq pen elektrondy kitaptar satyp turǵan.
Sondaı-aq, Atyraý oblysy Polısııa departamentiniń qyzmetkerleri Din ister basqarmasynyń qyzmetkerlerimen birlesip, áleýmettik jelilerde monıtorıng jasaý barysynda «VKontakte» áleýmettik jelisindegi óziniń jeke paraqshasyna Qazaqstan aýmaǵynda taratýǵa tıym salynǵan dinı turǵydaǵy materıaldardy jarııalaǵan 1989 jyly týǵan er adamdy anyqtady. Sol sııaqty 1988 jyly týǵan qala turǵyny «Feısbýk» álemettik jelisindegi óziniń jeke paraqshasyna Qazaqstan Respýblıkasynyń zańnamasymen tyıym salynǵan dinı ádebıetti jáne dinı mazmundaǵy materıaldardy erkin qoldanysta bolýǵa jol bergeni belgili boldy.
Anyqtalǵan úsh tulǵaǵa qatysty ÁQBtK-niń 490 baby 1-bóliminiń 3-tarmaǵy boıynsha ákimshilik hattamalar toltyrylyp, jınaqtalǵan is-qujat Atyraý qalasynyń ákimshilik quqyq buzýshylyqtar jónindegi mamandandyrylǵan sotyna joldandy. Joǵaryda atap ketkendeı, atalǵan tulǵalardyń árqaısysyna sotpen 102 095 tengeden aıyppul salyndy.
