Bul týraly QR IIDM Azamattyq avıasııa komıteti habarlady.
«Ýkraınadaǵy jaǵdaıǵa baılanysty Qazaqstan Respýblıkasynyń Indýstrııa jáne ınfraqurylymdyq damý mınıstrligi Qazaqstan Respýblıkasynyń Syrtqy ister mınıstrligimen, Qazaqstan Respýblıkasynyń Ýkraınadaǵy jáne Polshadaǵy elshilikterimen, sondaı-aq «Eır Astana» avıakompanııasymen birlesip, Qazaqstan azamattary úshin Ýkraınadan repatrıasııalyq reısterdi uıymdastyrý máselesin pysyqtady», dep habarlady vedomstvo.
Qazaqstandyq azamattardy shyǵarý boıynsha KS 2203 alǵashqy reısi Atyraýdan Katovısaǵa (Polsha) 28 aqpanda Nur-Sultan ýaqytymen saǵat 09:53-te ushyp ketti. Áýe kemesiniń tıpi A321 (syıymdylyǵy 179 oryndyq).
«Katovıse qalasynan Atyraýǵa ushýdyń josparlanǵan ýaqyty 28 aqpan saǵat 10:30-da (Katovıse ýaqytymen)», dep qosty vedomstvo.
