Ana qushaǵy

Mańdaıyńyzdan sıpaǵan sátte-aq júregińizge jylýlyq tarap, taǵdyryńyzdyń kúrmeýi sheshilip, kóńilińizge kóktem qonystanady. Solaı emes pe?! 

Kartınaǵa qaraısyz da, ana meıirimimen sýsyndaǵan balalyǵyńyzdy oılaısyz. Sol baldáýren mezettiń qýa­­­nyshy men baqyty ana­­­nyń appaq qushaǵynda jat­qanyn baǵamdaısyz. Muny sýretshi Dýlat Álıev kórkemónerdiń qu­di­retimen jetkizgen. Ba­laýsa kúnderdiń boıaýyn shyǵarmasyna arqaý etip, kópshilikti ananyń meıirimimen baýraıdy. So­­dan da bolar, týyndysyna «Ana meıirimi» dep at qoıǵany.

Qylqalam sheberi polotnolarmen jumys iste­gende anyq beıneleý qa­ǵı­dasyna súıengen, on­da beıneniń sıpaty men kórinisin baıandaý­da názik tásildi paıdala­nyp, múl­­tiksiz syrlap, boıaý­la­­rynyń túsi men óńin úı­lestire otyryp kór­setedi. Sıýjettiń ish­ki máni men qysqasha mazmunyn jaryqtandyra túsip, jańa realızmniń ókili ekenin baıqatady. Sýretkerdiń óz shyǵarmashylyǵy týraly: «Men ózimniń sýret­­terimde basqalar sııaq­ty jıhangezbin. Beıneleý óneri – men úshin ómir­di taný quraly. Sýret­terim­­niń negizgi keıipkeri – adam. Men ony jaqsy kóre­tin­di­gimdi sezindim» dep baǵa be­retini bar. Bul onyń óne­ri­niń biregeıligin tanytady.

Negizi óner ıesiniń j­a­ńashyldyǵy – tur­mys­tyq janr turǵysynda, ıaǵnı ananyń balaǵa, adam­dardyń bir-birine degen qarym-qatynasy, móldir súıispenshiligi jáne meıi­rimdilik sezimderin qanyq túster arqyly beınelep, ulttyq sana-sezimdi oıatýynda. Bul turǵyda ol kez kelgen obrazdy, sıý­jet­terdi utymdy paıdalanady.

Dýlat Álıevtiń adam obrazyn somdaýdaǵy psı­­hologııalyq sezimge be­­rilgen kórkem shy­ǵar­­ma-

­lary kúndelikti ómir­den alynǵan. Atalǵan «Ana meıirimi» kórkem týyndysynda ananyń balaǵa degen rııasyz peıili dıalog túrinde shynaıy berilgen. Árbir ana sábıiniń mań­daıynan ıiskep maýqyn basary daýsyz. Bul ana men bala arasyndaǵy asyl mahabbattan órilgen qu­diretti kompozısııa.