Aýdıokitap formatyndaǵy habar naýryz aıynda bastalyp, qyrkúıek aıyna deıin jalǵasady.
«Muhtar Áýezovtiń dúnıege kelgenine bıyl 125 jyl. Osyǵan oraı tyńdaýshylarǵa 2 naýryzdan bastap «Abaı joly» roman-epopeıasyn usynamyz. «Kókjıek» habary aptasyna 7 kún, saǵat 21.00-de efırge shyǵady. Kitapty Qazaq radıosynyń belgili dıktory Amanjan Serikov dybystaǵan», deıdi radıoarna basshysy Dýlat Abıbýllaev.
Aıta keteıik, buǵan deıin Qazaq radıosynyń efırinen Táýelsizdiktiń 30 jyldyǵyna oraı Ilııas Esenberlınniń «Kóshpendiler» trılogııasynyń aýdıonusqasy, sondaı-aq Tahaýı Ahtanovtyń «Boran», Hamza Esenjanovtyń «Aqjaıyq», Ázilhan Nurshaıyqovtyń «Mahabbat, qyzyq mol jyldar» romandary men Júsipbek Aımaýytovtyń «Aqbilek», Ábish Kekilbaevtyń «Úrker», Qalıhan Ysqaqtyń «Qońyr kúz edi», Sáken Júnisovtiń «Aqan seri», Berdibek Soqpaqbaevtyń «Meniń atym Qoja», Sábıt Muqanovtyń «Balýan Sholaq», Sherhan Murtazanyń «Beseýdiń haty», Muhtar Maǵaýınniń «Bir atanyń balalary» eńbekteri men T.Álimqulovtyń áńgimeleri de aýdıokitap formatynda áýe tolqynynan berilgen edi.
