«2022 jyly men jahan jankúıerlerin tań qaldyrǵaly júrmin. Jaz mezgilinde Leon Edvardsqa qarsy oktagonǵa shyǵamyn. Atalmysh jekpe-jekte jeńiske jetken jaǵdaıda qyrkúıekte meksıkalyq Saýl Alvareske qarsy sharshy alańǵa shyǵýdy josparlap otyrmyn. Jekpe-jek Meksıkanyń táýelsizdik kúni merekesimen tuspa-tus keledi. Bul shaıqasta ózimniń jeńiske jetetinime eshqandaı kúmánim joq. Qysqasy, Alvaresti men ǵana toqtatatyn bolamyn», dedi aralas jekpe-jek sheberi óz oıymen bólisip.
Esterińizge sala keteıik, 7 mamyr kúni Saýl Alvares reseılik Dmıtrıı Bıvolmen judyryqtasady, al qazaqstandyq Gennadıı Golovkın 9 sáýir kúni japonııalyq Rıota Mýratamen sharshy alańda kezdesedi. Eki boksshy qarsylastaryn jeńgen jaǵdaıda qyrkúıek aıynda sharshy alańda úshinshi ret judyryqtasýǵa nıetti. О́ıtkeni, kelisimshartta solaı kórsetilgen. Soǵan qaraǵanda Kamarý Ýsmannyń sózi bos sandyraq sekildi.
