Búgin qazvqstandyq tennısshiler juptyq synda kortqa shyqty. Norvegııalyqtar sapynda Kasper Rýýdty 23 jastaǵy Sımen Sýnde Bratholm almastyrdy. Ol Vıktor Dýrasovıchpen birge qazaqstandyqtar Andreı Golýbev pen Aleksandr Nedovesovke qarsy turdy.
Birinshi sette norvegııalyq jup 4:1 esebimen alǵa shyqty. Degenmen qazaqstandyqtar tarazy basyn teńestirdi. Sosyn taı-breıkte jeńisti julyp aldy - 7:6 (12:10). Ekinshi sette qazaqstandyq jup taǵy bir breık jasap, matchty jeńispen támamdady - 6:3.
Bir jarym saǵattan asa ýaqytqa sozylǵan matchta qazaqstandyqtar 1 eıs jasap, 7 breık-poınttyń ekeýin paıdalana bildi.
Osylaısha Qazaqstan Norvegııamen matchta 2:1 esebimen alǵa shyqty. Endi jekeleı synda Aleksandr Býblık pen Kasper Rýýd kúsh synasady. Besinshi kezdesý qajet bolsa, Mıhaıl Kýkýshkın men Vıktor Dýrasovıch oınaıdy.
