«Búgingi tańda úıdi basqarý týraly sheshim qabyldaýda múlik ıeleriniń belsendiligi tómendegeni baıqalady. Buǵan sebep - daýys berý rásiminiń qıyndyǵy jáne elektrondyq qyzmetterdiń shekteýli bolýy. Osy rette elektrondyq daýys berý tásilderin keńeıtý qajet. Bul servıstik kompanııalardy tańdaý rásimin ońaılatady. Osylaısha, básekelestik ortany qalyptastyrý jáne qyzmetter qunynyń ashyqtyǵyn qamtamasyz etý arqyly turǵyn úı-kommýnaldyq sharýashylyǵy salasyndaǵy servıstik qyzmetter baǵasynyń ósýin tejeýge bolady», dedi vıse-mınıstr.
Jalpy, onyń atap ótýinshe, azamattardyń turǵyn úı máseleleri - óte ótkir jáne áleýmettik mańyzdy.
«Búgingi tańda turǵyn úı kezeginde 590 myń azamat tur. Onyń ishinde 69,3 myń áleýmettik osal jaǵdaıdaǵy azamattar bar. Osy muqtaj jandardy qoldaý úshin olarǵa memleket qarajaty esebinen naryqtan baspanany jalǵa alý qunynyń jartysyn óteý usynylady. Infraqurylymdyq jobalardy odan ári iske asyrý úshin 160 myńǵa deıin jeke jer ýchaskesine qajetti ınjenerlik ınfraqurylym júrgiziledi», dedi Marat Qarabaev.
