Álemdiń qarjy naryǵyndaǵy jaǵdaı áli de qubylmaly bolyp turǵany aıtyldy.
«Ishki valıýta naryǵyndaǵy ahýaldyń turaqsyzdanýyna jol bermeý úshin 9 naýryzda Qazaqstan qor bırjasynda dollar-teńge juby boıynsha saýda-sattyq Frankfýrt aýksıonyna saı ótkizildi. Onyń qorytyndysy boıynsha Ulttyq banktiń valıýta ıntervensııasy 198,9 mıllıon AQSh dollary nemese bir kúngi saýdadaǵy jalpy kólemniń 94,4 paıyzy boldy», delingen habarlamada.
Ulttyq banktiń baspasóz qyzmeti málimetinshe, syrtqy ózgeristerdiń el ekonomıkasyna áserin boldyrmaý úshin jáne ishki valıýta naryǵyndaǵy balansty qoldaý maqsatynda Ulttyq bank valıýta ıntervensııasyn júrgizedi.
«Keıingi aptada onyń kólemi 421,9 mıllıon AQSh dollary nemese bırjalyq saýdanyń jalpy kóleminiń 59,2 paıyzy boldy. Ulttyq qordan respýblıkalyq bıýdjetke transfertterdi qamtamasyz etý úshin valıýta satý 240,2 mıllıon AQSh dollaryna teń boldy. Ulttyq banktiń valıýta ıntervensııasy men Ulttyq qordan satý úlesi saýda-sattyqtyń jalpy kóleminiń 92,9 paıyzy bolady», delingen habarlamada.
Qysqa merzimdi ýaqyt ishinde teńgeniń qubylmalylyǵy sanksııaǵa, ishki qatysýshylardyń josparyna jáne álemdik naryqtardaǵy jaǵdaıǵa baılanysty bolady.
«Bul rette Ulttyq bank ekonomıkadaǵy qurylymdyq ózgerister men aıyrbastaý baǵamynyń erkin qalyptasý qaǵıdattaryna beıimdilik talaby boıynsha ınflıasııa targetiniń tolyq rejımine aýysý boıynsha jumysty jalǵastyrady», delingen UB baspasóz qyzmetiniń habarlamasynda.
