Álem • 14 Naýryz, 2022

Qytaı Reseıge kórsetiletin kómek týraly aqparatty joqqa shyǵardy

266 ret

kórsetildi

1 mın

oqý úshin

QHR Syrtqy ister mınıstrliginiń resmı ókili Chjao Lıszıan Reseıdiń Ýkraınada arnaıy operasııa ótkizýine baılanysty áskerı kómek suraǵany týraly habarlamalar jalǵan ekenin aıtty, dep habarlaıdy Egemen.kz Reuters-ke silteme jasap.

Gaýhar QAPASh

Qytaı Reseıge kórsetiletin kómek týraly aqparatty joqqa shyǵardy

Saıasatker AQSh keıingi ýaqytta Qytaıdyń Ýkraına máselesine qatysty ustanymy týraly osyndaı jalǵan aqparatty belsendi túrde tarata bastaǵanyn atap ótti.

«Amerıka tarapy taratqan tıisti habarlamalar jalǵan», dedi Qytaı SIM ókili.

Lıszıan Qytaı qos taraptyń beıbit kelissózderi men Ýkraınadaǵy shıelenistiń toqtatylýyn qoldaıtynyn atap ótti.

«Shıelenistiń odan ári ýshyǵýyna emes, dıplomatııalyq jaǵynan retteýge yqpal etýimiz kerek», - dep tolyqtyrdy Chjao Lıszıan.

Jaqynda Finansial Times, New York Times jáne The Washington Post sekildi shetel basylymdary AQSh Úkimetindegi aty atalmaǵan derekkózderge silteme jasap, Reseı bıligi Ýkraınadaǵy áskerı shabýylǵa jáne ekonomıkalyq sanksııalardyń saldaryna qarsy turý úshin Qytaıdan áskerı jáne ekonomıkalyq kómek suraǵanyn habarlaǵan edi.

Amerıkalyq basylym derekkózderi Máskeý Ýkraınamen aradaǵy soǵys bastalǵannan beri Beıjińnen áskerı tehnıka men basqa da kómek suraǵanyn málimdedi. Ft derekteri boıynsha, soǵystyń úshinshi aptasynyń ortasynda Reseıde qarýdyń keıbir túri taýsylýy múmkin.