«Osy qaýlyǵa qosa berilgen 2-qosymshaǵa sáıkes densaýlyq saqtaý uıymdaryn aımaqqa bólýdi jáne jumys rejımin saqtaý qamtamasyz etilsin», dep jazylǵan qaýlyda.
Atalǵan qosymsha ınfeksııalyq stasıonarlarda olardy «taza» jáne «las» aımaqtarǵa qatań bólýdi qamtamasyz etý kerektigi aıtylǵan. «Taza» aımaqqa mynalar jatady:
1) medısına qyzmetkerlerine arnalǵan kirý toby, syrtqy kıimge arnalǵan garderob, kiretin jerde «las» aımaqqa deıingi jáne shyǵatyn jerde «las» aımaqtan keıingi sanıtarııalyq ótkizgish, osy bloktardaǵy qosalqy úı-jaılar;
2) ordınator, meıirger, bólimshe meńgerýshisi kabınetteri, aǵa meıirger, sharýashylyq bıkeleri jáne basqa da personal kabınetteri, sanıtarııalyq torap, olardyń sharýashylyq úı-jaılary. Bul rette olarǵa kiretin jer jeke qorǵanysh quraldaryn (budan ári – JQQ) sheshýge arnalǵan shlıýz jáne dýsh arqyly bolýy tıis;
3) ákimshilik kabınetteri jáne basqa da ákimshilik úı-jaılar;
4) kósheden kiretin jeri bar jáne «las» aımaqtyń ishinde shyǵatyn jer joq tehnıkalyq úı-jaılar. Al «las» aımaqqa osy qosymshanyń 2-tarmaǵynda kórsetilgenderden basqa stasıonardyń úı-jaılary jatady.
Qosymshada sanıtarlyq ótkizgishterdi 2 aǵymǵa bóle otyryp paıdalaný kerektigi kórsetilgen:
1) aýysymǵa kiretin jerde «taza» aımaqtan «las» aımaqqa;
2) aýysymnan shyǵatyn jerde «las» aımaqtan «taza» aımaqqa qamtamasyz etý qajet. «Bul rette aǵymdar qıylyspaýy tıis», delingen qujatta.
