«Semeı aımaǵynda Abaı oblysyn qurýdy usynamyn. Semeı qalasy jańa oblystyń ortalyǵy bolady. Osy máseleni aımaq turǵyndary kópten beri aıtyp júrgenin bilemin. Qazir ol jaqta sheshimin tappaǵan túıtkilder az emes. Mysaly, aımaqtyń ishki ınfraqurylymy ábden tozǵan», dedi Memleket basshysy.
Budan ózge Qasym-Jomart Toqaev Jezqazǵan oblysynyń aýmaǵynda Ulytaý oblysyn qurýdy usyný qajettigin aıtty.
«Taǵy bir másele. Burynǵy Jezqazǵan oblysynyń aýmaǵynda Ulytaý oblysyn qurý qajet. Jezqazǵan qalasy qaıtadan oblys ortalyǵy bolady. Bul aımaqta derbes oblys qurý — ekonomıkalyq qana emes, rýhanı jaǵynan da mańyzdy sheshim», dedi Prezıdet.
