Vedomstvonyń habarlaýynsha, Reseı Federasııasynyń Habarovsk aımaǵynda qylmystyq izdestirý qyzmetkerleri 2015 jyldyń tamyz aıynan bastap urlaý men kisi óltirýge qatysqany úshin izdeýde júrgen Temirtaýdyń 36 jastaǵy turǵynyn ustady.
Sonymen qatar Tashkentte Túrkistan oblysynyń 30 jastaǵy turǵyny ustaldy, oǵan naýryz aıynan beri Saryaǵash qalasynyń kásipkerinen 25 mln teńge bopsalaǵany úshin izdeý jarııalanǵan.
Tájikstandaǵy Soǵdy oblysynda 2019 jyldyń qazan aıynda kafede kisi óltirgeni úshin Shymkent polısııa departamenti izdestirip jatqan Qazaqstannyń 27 jáne 30 jastaǵy azamattary ustaldy.
Samara oblysynyń Tolıattı qalasynda 39 jastaǵy er adamdy Pavlodar oblysy PD izdestirý toby ustady. Kúdikti 2020 jyldyń maýsym aıynda «Qazposhta» AQ aqparattyq júıesine zańsyz qol jetkizý jolymen qaıtalanǵan tranzaksııalar jasaı otyryp, 294 mln teńge urlaǵan.
10 kúnge sozylǵan arnaıy operasııanyń qorytyndysy boıynsha respýblıkadan tys 39 izdeýshi anyqtalyp, ustaldy. Atap aıtqanda Reseıde – 23, О́zbekstanda – 8, Qyrǵyzstanda – 4, Tájikstanda, Polshada, Monǵolııada jáne Latvııada – bir-birden.
Sonymen qatar TMD elderiniń quqyq qorǵaý organdarynyń suraýy boıynsha 152 adam ustaldy.
