Qazaqstan • 29 Naýryz, 2022

Negizgi maqsat – halyqtyń talap-tilegine qulaq asý

48 ret kórsetildi

AMANAT partııasynyń mobıldi qoǵamdyq qabyldaý toptarynyń aımaqtarǵa sapary jalǵasyp jatyr. Partııa músheleri Qyzylorda jáne Pavlodar oblystaryna saparmen bardy. Qabyldaýǵa bir kúnde 250-ge jýyq azamat kelip, barlyǵy 11 shalǵaı eldi meken qamtyldy.

Kezekten tys HHII sezde partııa Tóraǵasy Qasym-Jomart Toqaev uıym jumysyn qaıta jandandyrýdy tapsyryp, partııanyń qoǵamdyq qabyldaý bólmeleri shaǵymdarmen ǵana emes, eldi damytý boıynsha naqty ıdeıalarmen keletin azamattar úshin tartymdy orynǵa aınalýǵa tıis ekenin atap ótti.

AMANAT partııasy Respýblıkalyq qoǵam­dyq qabyldaý bólmesi meńgerýshi­siniń orynbasary Azamat Birjanovtyń aıtýynsha, kóshpeli mobıldi toptardyń maqsaty – jergilikti jerlerdegi halyqtyń muń-muqtajyna qulaq asyp, olardyń ótinishterin qabyldaý. «Biz elimizdiń barlyq aımaǵyn qamtýdy josparlap otyrmyz, ásirese turǵyndary partııanyń oblystyq fılıalyna kelýge múmkindigi bola bermeıtin shalǵaı aýyldarǵa erekshe nazar aýdaramyz. Mundaı saparlar azamat­tardyń ótinishterine den qoıý úshin ǵana emes, sonymen qatar aýyldyq jerler­degi jyldarǵa sozylyp kele jatqan prob­le­malardyń sheshimin tabýǵa múmkindik beredi», dedi.

Máselen, Qyzylorda oblysy Jalaǵash aýdanyna qarasty Eset batyr aýylynyń turǵyny Ábdiraıym Sársenbaev elektr­men jabdyqtaý jelileriniń tozyǵy jet­kenin alǵa tartty. «Elektr jelilerin kúrdeli jóndeýden ótkizip, jańa symdar tartý qajet. Mamandardyń aıtýynsha, bizdegi elektr jelileriniń 75%-nyń tozyǵy jetken. Aýyl-aımaq deńgeıinde bul máseleniń sheshimi tabylmady. Endi AMANAT partııasynyń qoldaýymen osy másele oń sheshimin tabady dep úmittenemiz», deıdi zeınetker.

Al Gúlsim Jahanova aýyl kóshelerin jaryqtandyrý máselesin kóterdi. Onyń aıtýynsha, búginde aýyldaǵy 13 kósheniń úsheýinde ǵana jaryq bar. «Aý­dandyq bıýdjet qarajaty esebinen kentte 1 mln teńgege Kókpaı kóshesi jaryqtan­dyry­lyp, 1,4 mln teńgege Aqaryq kóshe­sin­degi jaryqtandyrý jelileri jańar­tyldy. Jaqyn arada demeýshilerdiń qol­daýymen Aqaryq kóshesinde 25 baǵana, Ábi­­shev kóshesinde 20 baǵana ornatylady», dedi Jalaǵash aýdanynyń ákimi Asyl­bek Shá­menov.

Kóshpeli qabyldaý barysynda ama­nattyqtar densaýlyǵyna baılanysty ózi kele almaǵan I toptaǵy múgedek Jar­­taı Eshmahanovtyń úıine bardy. «Osylaı shalǵaı aýyldardy aralap, tur­ǵyn­darynyń talap-tilekterin tyńdap, jaǵ­daıdy óz kózimen kórýge kelip otyr­ǵan partııa ókilderine alǵys aıtamyn. Men sııaqty úıge kirip-shyǵýdyń ózi muń bolyp otyrǵan adamdar úshin, mun­daı kezdesýlerdi múmkindiginshe jıi uıym­dastyrǵan jón. Qyzymdy jumysqa orna­las­tyrýǵa qatysty kómek suradym, másele sheshildi. Olar áleýmettik turǵyda ózime de jan-jaqty kómek qolyn sozyp keledi», dedi ol.

Al Qazaly aýdany, Bekarystan bı aýylynyń turǵyndary qosymsha sý uńǵymalaryn burǵylaý qajettigin aıtty. Aıtýlarynsha, olar tirshilik nárin áli kúnge deıin 30-40 jyl bolǵan 7-8 sý kózinen alyp keledi.

Jalpy, amanattyqtar Qyzylorda oblysyna qarasty Eset batyr, Ińkárdarııa, Qandóz, Jólek, Bekarystan bı sııaqty 5 aýylǵa bardy. Turǵyndardy aýyl ishin­degi kóshelerdi jóndeý, jaıylymdyq jer­lerdi keńeıtý, aýyzsý jáne sýarma-
ly sý, aýyl sharýashylyǵy ta­ýar óndi­rý­shi­lerin nesıelendirý sııaqty máseleler tolǵandyrady.

Osy kúni AMANAT mobıldi brıgada­lary Pavlodar oblysyndaǵy shalǵaı eldi mekenderdiń turǵyndaryn da qabyldady. Partııalyqtar Shiderti, Tórtqudyq, Ivanovka, Tereńkól, Jańa juldyz, Alakól aýyldarynda boldy. Shiderti aýyly­nyń turǵyny Marat Mákenov osyndaǵy Qanysh Sátbaev atyndaǵy sý arnasynyń qurylysyn jańalap berýge qatysty ótinish bildirdi. «Sý arnasy 1974 jyldan beri jumys isteıdi, osy ýaqyt ara­lyǵynda qaıta jóndeýden ótpegen. Turǵyn­dardy taza sýmen qamtamasyz etý úshin qyzmetkerler óz kúshteri­men úzdik­siz jumys atqaryp keledi. Zamanaýı quryl­ǵylardy ornatý úshin aıtarlyqtaı qarajat qajet. Taǵy bir másele – arna­nyń qaýipsizdigi. О́ıtkeni bul – erekshe qorǵaýdaǵy nysan. Ishki ister mınıstr­liginen komıssııa kelip, qorshaý­dyń 2,5 metrden kem bolmaýyn, son­daı-aq beketter tolyǵymen jaryqtan­dyrylýy ke­regin aıtyp birneshe ret aıyppul sal­ǵan. Al bizdiń esebimiz boıynsha munyń barlyǵyna bıýdjetten 5 mlrd teńge bó­linýge tıis», dedi Marat Mákenov.

Aıta ketsek, buǵan deıin mobıldi qoǵamdyq qabyldaýlar Aqmola jáne Qaraǵandy oblystaryna bardy. Sol kezde shalǵaıdaǵy 10 aýyldyń 100-ge jýyq turǵyny túıtkildi problemalaryn ortaǵa saldy. Bul sýmen qamtý, ınternetke qoljetimdilikti qamtamasyz etý, jol salý, jańa balabaqshalar men mektepter ashý jáne taǵy basqa máseleler.

Eske sala keteıik, qabyldaýǵa jazylý kezdesý ótkiziletin kúnge deıin ke­minde 3 kúntizbelik kún buryn júzege asyrylady. Sonymen birge partııa­nyń res­pýblıkalyq qoǵamdyq qabyl­daý bólmesiniń bazasynda otbasy, áıel­der jáne balalardyń quqyqtaryn qorǵaý, sondaı-aq turmystyq zorlyq-zomby­lyq­qa qarsy is-qımyl máseleleri boıynsha «111 shuǵyl qyzmeti» arnaıy baılanys orta­lyǵy jumys isteıdi.

Sońǵy jańalyqtar

Indet qaıta órshidi

Álem • Keshe

О́ńirde damý úrdisi bar

Aımaqtar • Keshe

Tańdaıdyń tarlany

Tarıh • Keshe

Joǵalǵan soldat

Tarıh • Keshe

Dombyrany dáriptedi

Rýhanııat • Keshe

Almatyda 36 gradýs ystyq bolady

Aýa raıy • Keshe

Búgin - Ulttyq dombyra kúni

Qazaqstan • Keshe

Uqsas jańalyqtar