Hokkeı • 30 Naýryz, 2022

«Barys» maýsymdy qorytyndylady

34 ret kórsetildi

Shaıbaly hokkeıden Qurlyqtyq hokkeı lıgasynda (QHL) bıyl 14-shi maýsymyn ótkizgen elordanyń «Barysy» Gagarın kýbogy jolyndaǵy pleı-off kezeńiniń alǵashqy raýndynda súrinip, jarysty erte aıaqtaýǵa májbúr boldy. Qatarynan úsh jyl pleı-offtyń alǵashqy kezeńinde Magnıtogorskiniń «Metallýrg» klýbymen kúsh synasyp, keıingi eki jylynda sátsizdikke ushyrady. 2019/20 jylǵy maýsymda eki klýb arasyndaǵy básekede «Barystyń» mereıi ústem bolǵanymen, qazaqstandyq ujym koronavırýs pandemııasyna baılanysty jarysty jalǵastyrýdan bas tartqan edi.

QHL-dyń «Shyǵys» konferensııasynda óner kórsetken «Barys» bıylǵy turaqty birin­shilikte jalpy sany 47 oıyn ótkizip, sonyń tek 14-inde ǵana óz jankúıerlerin qýantty. Tórt oıynda qarsylasynan overtaımda basym tússe, taǵy tórt kezdesýde býllıt serııasynda baǵy jandy. Al eki retten overtaımda jáne býllıtte jeńiliske ushyrady. Sondaı-aq 21 match­ta qarsylastaryna jol berdi. «Barys» hokkeıshileri osy 47 oıynda qarsylas komandanyń qaqpasyn 127 márte dál kózdese, 138 ret óz qaqpasynan shaıba alyp shyǵýǵa májbúr boldy.

Bul – «Barystyń» osy maý­symda kórsetken nátıjesiniń qysqasha statıstıkasy. Al jýyrda komandanyń prezıdenti Borıs Ivanıshev pen bas jattyq­tyrýshy Iýrıı Mıhaılıs maýsymdy qorytyndylap, óz oılaryn ortaǵa saldy.

– Bıylǵy maýsym biz úshin sátti ótti dep aıta almaımyn. О́kinish­ke qaraı, keıingi eki jylda jarqyrap óner kórsetýimizge ár­túrli syrtqy faktorlar óz áserin tıgizbeı qoımady. Mine, osy jolǵy maýsym barysynda el ishinde de, halyqaralyq arenada da óte mańyzdy oqıǵalar boldy. Sol oqıǵalardan keıin azdap es jııý qıynǵa túskeni jasyryn emes. Biraq biz týyn­daǵan barlyq qıyndyqty óz paıdamyzǵa qaraı sheshtik dep oılaımyn. Bul úshin klýbtyń barlyq qyzmetkerine alǵys aıtqym keledi. Múmkin, basty másele – maýsymnyń birqalypty deńgeıde ótkeninde bolsa kerek. Árıne, bul jerde eki jyldan beri jalǵasyp jatqan pandemııa­ny da eskerý qajet. Maýsym barysynda hokkeıshilerimiz ben qyz­metkerlerimiz vırýs juq­tyryp, komandaǵa kómektese almaı qalǵan kezder boldy. Bul jat­tyǵý prosesine de, tikeleı ju­mysymyzǵa da keri áser etti. Jańa jylǵa qaraı bizde bári qalpyna kelgendeı bolǵan edi. Oıynshylardyń fızıkalyq jaǵdaıy men jeńiske degen umtylysy zor bolǵan-dy. Biz júıeli túrde ár oıynda jeńiske jetip, meılinshe joǵary oryn úshin kúresýge daıyn boldyq. Biraq jańa jyldan keıin turaqty birinshiliktiń qalǵan bóligi áýeli vırýsqa, keıinnen Olımpııa oıyndaryna baılanysty toqtatylyp, aqyr sońy merziminen buryn aıaqtalyp tyndy. Osy ýaqyt aralyǵynda hokkeıshiler oıyn tájirıbesinsiz qaldy. Pleı-off oıyndary bastalǵanǵa deıin úsh baqylaý kezdesýin ótkizýge múmkindik aldy. Bul da komandaǵa sál de bolsyn oıyn tájirıbesin jınaqtaýǵa jaqsy kómegin tıgizdi, – dedi «Barystyń» prezıdenti.

Sondaı-aq Borıs Ivanıshev bapkerler quramynyń jumysyna kóńili tolatynyn jáne olarǵa taǵatyn eshqandaı kiná joq ekenin jetkizdi. «Sebebi bıylǵy maýsym aldynda komandaǵa jáne bapkerler quramyna pleı-off kezeńine deıin jetý mindeti qoıylǵan bolatyn. Komanda bul mindetti tolyǵymen oryndady. Biraq pleı-off kezeńiniń birinshi

raýn­d­y­­nan aryǵa asa almaǵanymyz ókinishti. О́ıtkeni birqatar oıynshy jaraqatyna baılanysty komandaǵa kómektese almady. Degenmen, pleı-off básekesiniń óz muzaıdynymyzda ótken oıyndarynda jaqsy oıyn kórsetýimiz kerek edi. Jankúıerler de, men de oıynshylardan sony kúttik. Biraq bul – hokkeı. Bári biz oılaǵandaı bola bermeıdi ǵoı», dedi ol.

Borıs Ivanıshev aldaǵy maý­symda Mıhaılıs-Volk-Lılıa úshtigi men barlyq qazaqstandyq oıynshylardy komandada saqtap qalǵysy keletinin jetkizdi. Alaıda QHL maýsymy áli óz má­re­sine jetpegendikten jáne ázirshe lıga basshylarynyń talaby men legıoner sanyn qys­qartý-qysqartpaýy da belgisiz bolǵandyqtan, barlyq suraqtyń jaýaby tek maýsym sońynda ǵana belgili bolmaq.

– Prezıdent Qasym-Jomart Toqaevtyń memleket bıýdjeti esebinen kásibı sport klýbtaryn qarjylandyrýdy qysqartý týraly tapsyrmasynan keıin komanda bıýdjeti biraz qysqartyldy. Dollardyń teńgege qatysty baǵa­mynyń ósýi de bizge áser ete­tini sózsiz. Elaralyq ushýlar, qonaqúı, kıim-keshek barlyǵy shart­ty birliktermen satyp aly­nady. Maýsym tolyǵymen aıaq­talǵan soń aldaǵy jospary­myzdy, komanda bıýdjetin tal­qylaıtyn bolamyz. Bıýdjet týraly aıtylǵanda, QHL-diń erejesin eskerý kerek bolady. Máselen, jarys erejesinde oıynshylardyń tómengi, ortasha jáne joǵary jalaqysy qansha bolý kerektigi naqty kórsetilgen. Biz ázirge eń tómengi jalaqyǵa jaqynbyz, biraq keler jyly biz osy mınımýmnan tómen jalaqy qoıatyn bolsaq, onda bizdi lıgadan shyǵaryp jiberýi múmkin, – dedi Borıs Ivanıshev.

Sonymen qatar komanda bas bapkeri Iýrıı Mıhaı­lıs te bıylǵy maýsymdy qory­tyn­dylap, jeke oıynshylardyń sheberligi men maýsymnyń úzdik hokkeıshilerin atap ótti.

– Turaqty birinshiliktiń sońǵy oıyndarynda «Metallýrgten» de, «Avtomobılısten» de basym tústik. Maýsymnyń sońynda hok­keıshiler joǵary emosıonaldy jáne fızıkalyq kúıde boldy. Bizde týrnır kestesiniń budan da joǵary oryndaryna kóteriletin múmkindik bar edi. О́kinishke qaraı, chempıonat bel ortasynan aýǵanda toqtatyldy. Turaqty birinshiliktiń ekinshi bóliginen keıin jigitterde óz-ózderine degen senimdilik paıda bola bastady. Bálkim, jańadan kelgen oıynshylar sol kezde bir-birine úırenisken bolýy kerek. Sondaı-aq Alsıng pen Orehov bir-birin tamasha tolyqtyryp otyrdy, Martınsson birinshi bestikke aýysyp, Morroýmen jup qurap sátti oınady dep aıta alamyn. Kóp sátterde óte senimdi oınap, jankúıerlerdiń qoshemetine ıe boldyq, – dedi bas bapker.

Iýrıı Mıhaılıstiń pikirinshe, bıylǵy maýsymynyń jańa esimi – 20 jastaǵy shabýylshy Ańsar Shaıhmeddenov. Ol bul maýsymda muzaıdynda jıi boı kórsetpese de, óziniń eńbekqorlyǵynyń arqasynda bapkerlerdiń kózine túse bildi. Sondaı-aq ol pleı-off kezeńinde ózin jaqsy qyrynan kórsetti dep aıta alamyz.

Sońǵy jańalyqtar

Shabyt shaqyratyn shahar

Elorda • Keshe

Aqjaınaq astana

Elorda • Keshe

Ozyq óndiris ornynda boldy

Aımaqtar • Keshe

Dımash pen Djekson

О́ner • Keshe

Uqsas jańalyqtar