Infografıkany jasaǵan Amangeldi Qııas, «EQ»
Prezıdent Toqaev qańtardaǵy oqıǵalar belgili bir dárejede saıası jáne ekonomıkalyq qyzmettiń ishki toqyraýy men monopolııalanýdyń saldary ekenin de moıyndady. Halyqqa Joldaýynda: «Tóńkeris jasaýǵa umtylǵandardyń arasynda belgili adamdar boldy. Joǵary laýazym ıeleri memleketke satqyndyq jasady», degen ol elde bastalǵan reformalar ózderiniń zańsyz áreketterin jalǵastyrýǵa tyrysqan yqpaldy adamdardyń narazylyǵyn týdyrǵanyn atap ótti.
Qasym-Jomart Toqaev Qazaqstannyń saıası júıesiniń kemshilikteri týraly ashyq aıtýdy jalǵastyra kelip, qoǵamnyń eldegi túbegeıli ózgerister týraly talabyn qoldaıtynyn bildirdi. Atap aıtqanda, ol Prezıdenttiń qolynda bıliktiń shamadan tys shoǵyrlanýyna negizdelgen basqarý júıesin atap ótip, muny «túbegeıli durys emes» dedi. Jaǵdaıdy túzetý úshin ol Parlamenttiń rólin kúsheıtýge, atqarýshy bılikti bıleýshi partııadan bólýge, saılaý júıesindegi ózgeristermen qatar saıası partııalar qurý prosesin odan ári jeńildetýge jáne eń bastysy, azamattar tikeleı júgine alatyn Konstıtýsııalyq sot qurýǵa shaqyrdy. Bul qadamdar júzege asqan jaǵdaıda Qazaqstandy demokratııalyq baǵytqa aınaldyrýǵa múmkindik beredi. Biraq Prezıdent atap kórsetken bul talap-mindetter naqty iske asyrylǵanda ǵana naqty nátıjelerge qol jetkizýge bolady. Bul mindetter memlekettik qyzmetshilerdiń mentalıtetindegi ózgeristermen birge júrse, ony eldiń joǵary basshylyǵy qamtamasyz etýi kerek. Prezıdent jarııalaǵan joǵary basshylyqtyń otbasylaryn ekonomıkalyq qyzmetten bólý jónindegi qadamdardy qazaqstandyq qoǵam oń qabyldady. Sondaı-aq bıliktiń shoǵyrlanýy joǵary laýazymdy adamdardyń otbasy músheleriniń, sondaı-aq olıgarhııalyq toptardyń yqpalyn kúsheıtti dep taný da jurtshylyqtyń oı-pikirin dóp basqany anyq. Bolashaqta Prezıdent Toqaev sybaılas jemqorlyqqa qarsy kúrestiń naqty tetikterin joǵary deńgeıde ustanýy kerek. Bul jóninde ol ózi de naqty qadamdaryn aıqyndap kórsetip bergen bolatyn.
Svante KORNELL,
Ortalyq Azııa jáne Kavkaz ınstıtýtynyń zertteý jónindegi dırektory (Shvesııa)
