Qazaqstan • 11 Sáýir, 2022

Muhtar Tileýberdi Eýroparlament delegasııasyn qabyldady

63 ret kórsetildi

QR Premer-Mınıstriniń orynbasary – Syrtqy ister mınıstri Muhtar Tileýberdi «Qazaqstan Respýblıkasy – Eýropalyq odaq» Parlamenttik yntymaqtastyq komıtetiniń 19-shy otyrysyna qatysý maqsatymen Qazaqstanǵa kelgen Eýropalyq parlament delegasııasyn qabyldady, dep habarlaıdy Egemen.kz.

Delegasııa tobyna Eýropalyq parlamenttiń Ortalyq Azııa jáne Mońǵolııamen yntymaqtastyq jónindegi delegasııasynyń birinshi orynbasary jáne EP kólik jáne týrızm jónindegi komıteti tóraǵasynyń orynbasary Andrıs Amerıks, EP halyqaralyq ister jónindegi komıtetiniń múshesi Fransısko Mıllan-Mon, sondaı-aq EP birqatar jetekshi partııalyq toptarynyń saıası keńesshileri kirdi.

«Eýroparlament delegasııasynyń Qazaqstanǵa sapary Qazaqstan men EO arasyndaǵy Keńeıtilgen áriptestik pen yntymaqtastyq týraly kelisim aıasynda saıası jáne parlamentaralyq yntymaqtastyqty nyǵaıtýǵa, yntymaqtastyqtyń jańa perspektıvalyq taýashalaryn izdeýge qosymsha serpin beredi», dedi Muhtar Tileýberdi óz sózinde.

Mınıstr eýrodepýtattarmen QR Prezıdentiniń eldiń saıası júıesin jańǵyrtý jáne «Jańa Qazaqstandy» qurý jónindegi reformalar baǵdarlamasyn talqylady.

О́z kezeginde A.Amerıks Qazaqstan - Eýropalyq odaqtyń Ortalyq Azııa óńirindegi negizgi áriptesi ekenin  atap ótti.

«Men Qazaqstanǵa eki jarym jyl buryn kelgen edim, sodan beri bul el tek órkendeı tústi. Qazaqstan men Eýropalyq odaq jaqyn seriktes bolyp qala beredi. Biz eldegi saıası reformalar baǵytyn qoldaımyz jáne onyń júzege asyrylýyn muqııat baqylaımyz», dedi ol.

«Qańtar tragedııasynyń» shynaıy sebepterin zertteý taqyryby Eýroparlamenttiń 2022 jyldyń basynda qabyldanǵan Qazaqstandaǵy adam quqyqtaryn saqtaý jaǵdaıy týraly qarary aıasynda da qozǵaldy.

«Qazaqstan qańtar aıynda tap bolǵan jaǵdaıdyń kúrdeliligin túsinemiz jáne tergeýdiń resmı nátıjelerin kútemiz», dedi F.Mıllan-Mon.

EP delegasııasynyń sapary aıasynda, parlamentaralyq yntymaqtastyq komıteti otyrysynan basqa, Nur-Sultan jáne Almaty qalalarynda Senat men Májilis depýtattarymen, Qazaqstandaǵy Adam quqyqtary jónindegi ýákilmen, QR quqyq qorǵaý organdarymen, memlekettik organdardyń ekonomıkalyq salasyndaǵy jáne azamattyq qoǵam ókilderimen kezdesýleri josparlanǵan.

Sońǵy jańalyqtar

Kentaý qalasynyń ákimi taǵaıyndaldy

Taǵaıyndaý • Búgin, 20:30

Dollar arzandady

Ekonomıka • Búgin, 16:52

Qosshyda jańa mektep ashylady

Bilim • Búgin, 16:25

Almatyda esirtki tasymalynyń joly kesildi

Aımaqtar • Búgin, 14:55

Hamenova óz kinásin moıyndaǵan joq

Qoǵam • Búgin, 14:16

Qazaqstanda jylqy eti qymbattady

Qoǵam • Búgin, 14:02

Uqsas jańalyqtar