Indýstrııa jáne ınfraqurylymdyq damý mınıstrliginiń málimetinshe, jańartý boıynsha baǵdarlama ázirlenip jatyr. Jeńildetilgen nesıe baǵdarlamasy boıynsha qarjylandyrý somasy shamamen 100 mlrd teńgeni quraıdy. О́ńirlerdegi avtobýstar parkin jańartý úshin 30 mlrd teńgege jýyq qarajat bólinedi.
Jeńil avtomobılderdi satyp alýǵa nesıe berý kelesi sharttar boıynsha júzege asyrylady:
– syıaqy mólsherlemesi: 4%;
– nesıelendirý somasy: 10 mln teńgeden artyq emes;
– qarjylandyrý merzimi: 7 jyldan artyq emes;
– bastapqy jarna: 0 % bastap;
– kólik quralynyń quny: 15 mln teńgeden aspaıdy.
Avtonesıeni ekinshi deńgeıdegi bankter beretin bolady.
Qarjylandyrýdyń ashyqtyǵyn qamtamasyz etý úshin mınıstrliktermen mindetti shart kózdelgen. Oǵan sáıkes ekinshi deńgeıdegi bankterde qaryz alýshylarǵa qarjylandyrýdy usynýdyń mártebesi men merzimin qadaǵalaıtyn avtomattandyrylǵan júıe bolýy tıis.
Sondaı-aq qaryz alýshyǵa eki jyldyń ishinde bir retten artyq avtonesıe alýǵa tyıym salatyn shekteý engizilgen.
