«90 adamǵa arnalǵan Eýro-5 ekologııalyq toptaǵy edeni tómen, úsh esikti avtobýstar kondısıonermen, beınebaqylaý kameralarymen, aıaldamalardy jarııalaýǵa arnalǵan avtomatty dybystyq habarlandyrýmen, júrgizýshiniń sharshaǵanyn tirkeıtin datchıkpen, beınetirkegishpen, erekshe qajettiligi bar adamdarǵa arnalǵan pandýspen jáne basqa da opsııalarmen jabdyqtalǵan», dep jazylǵan ákimdik habarlamasynda.
Tehnıkalyq jabdyqtaýdan keıin búgin 44 baǵyt boıynsha 14 jańa avtobýs jolǵa shyqty. Qalǵan avtobýstar tehnıkalyq daıyndyǵyna qaraı jaqyn kúnderi júktemesi kóp baǵyttardy jańartý jáne kúsheıtý úshin iske qosylady.
Jalpy birinshi jartyjyldyqtyń sońyna deıin qoǵamdyq kólik parkine 300 jańa avtobýs beriledi. Bir jyl ishinde jeke tasymaldaýshy gazben júretin qosymsha 250 avtobýs satyp alady.
