Foto: Konstantın Shelkov
Bul týraly oblystyq máslıhattyń XII kezekti sessııasynda óńirlik veterınarııa basqarmasynyń basshysy Qaıyrjan Baıjanov málim etti.
- Aýyldyq veterınarııalyq pýnktterdiń sapaly ınternetke qol jetkizý máselesi sheshilmegen kúıinde qalyp otyr. Memleket Basshysy Qasym-Jomart Kemeluly Toqaev óziniń Qazaqstan halqyna Joldaýynda: «Eń aldymen, sıfrlyq teńsizdikti joıý, ınternetke barynsha qoljetimdilikti jáne barlyq azamattardyń sapaly baılanysyn qamtamasyz etý qajet» ekenin atap ótken bolatyn. Sıfrlyq teńsizdik aýyl sharýashylyǵy janýarlaryn birdeılendirý aqparattyq júıesi jumystyń jıi buzylýyna yqpal etedi. Sondaı-aq engizilgen derekterdiń joǵalýyna ákeledi, - dedi Q. Baıjanov.
Basqarma basshysynyń aıtýynsha, oblysta 499948 bas iri qara mal, 563758 bas usaq mal jáne 218004 bas jylqy tirkelgen.
2022 jylǵy josparǵa sáıkes 162104 bas iri qara mal, 179465 bas usaq mal, 41828 jylqy tólin sáıkestendirý josparlanǵan.
