NASA (National Aeronautics and Space Administration) – aeronavtıka jáne ǵaryshqa ushý salasynda zertteýler jasaý úshin 1958 jyly qurylǵan AQSh úkimetiniń agenttigi. Osy uıymnyń grantyn ıelengen Iаroslava Kravchýk AQSh-ta bilim alýǵa quqyly.
Ol kometalar men asteroıdtar topyraǵynan sýtegi otynyn alý úshin Kanysh shaǵyn ǵarysh kemesiniń úlgisin jasaǵan. Osy ónertabysyn Kravchýk suhbat kezinde aldymen NASA ókilderine kórsetipti. Keıin jańalyǵyn «XXII Sátbaev oqýlary» halyqaralyq ǵylymı konferensııasynda tanystyrdy. Endi ol jyl saıyn FISE ǵaryshtyq bilim berý halyqaralyq qory uıymdastyratyn NASA United Space School-ǵa Qazaqstan atynan qatysady.
«Kishkentaı kezimnen ǵaryshqa áýestenip, 4-synyptan bastap túrli ǵarysh apparattaryn qurastyra bastadym. Ushaq jasaý ıdeıasy oqý jylynyń basynda oıyma keldi. Jobany júzege asyrýǵa zymyran ǵylymy boıynsha jattyqtyrýshy Evgenıı Bovsýnovskıı, ınformatıka jáne robottehnıka pániniń muǵalimi Rýslan Smaıylov jáne Astroklýb jetekshisi Gúlnar Baýbekova kómektesti. Jobany ázirleýge kómektesken muǵalimderime alǵys aıtamyn. Halyqaralyq ǵarysh mektebinde oqý – meniń armanym. Buǵan deıin men qazaqstandyq jastardyń sol jobaǵa qalaı ótkenin kórdim. Sondyqtan men de qatysyp kórýge sheshim qabyldadym jáne bul meniń qolymnan keldi», deıdi Iа.Kravchýk.
Daryndy oqýshy osy jazda Hıýston ýnıversıteti men NASA ǵarysh ortalyǵyna barady. Qazirdiń ózinde ol NASA-dan negizgi baǵdarlamaǵa daıyndyq retinde tapsyrmalar alyp jatyr. Ol óziniń bolashaǵyn ǵaryshpen baılanystyryp, súıikti isimen aınalysýdy josparlap otyr.
