«Attestasııa rásimin alyp tastaý – eń kóp túsetin usynystardyń biri. Ony men jasyra almaımyn. Munyń aldynda 2018 jyldan bastap attestasııa engizildi. Men osy testileýdi alyp tastaımyz desem, bári bórikterin aspanǵa laqtyryp, qýanatyny túsinikti. Biraq bizge mundaı arzan pıar qajet emes. Eń qajeti – bilim berý sapasy», dedi mınıstr.
Sondyqtan ol salaǵa qatysty sheshim qabyldarda eń áýeli jekelegen toptarǵa emes, jalpy halyqqa paıdaly jaǵyn negizge alatynyn túsindirdi.
«Bizde eń basty másele – jaqsy bilim alý máselesi. Sondyqtan biz bireýge unaý úshin, bireýdiń tilin tabý úshin osyndaı sheshimder qabyldamaımyz. Biz elge qajetti sheshim qabyldaımyz. Bul óte mańyzdy másele», dedi Ashat Aımaǵambetov.
