20 sáýirde atmosferalyq frontaldy bólikterdiń ótýine baılanysty elimizdiń basym bóliginde jańbyr jaýady. Respýblıkanyń shyǵysynda qar aralas jańbyr kútiledi. Tek batys óńirlerde jaýyn-shashynsyz aýa raıy boljanady. Soltústikte – tuman, ońtústikte, ońtústik-shyǵysta – naızaǵaı, burshaq, daýyl, batysta shańdy daýyl bolady. Sonymen birge barlyq óńirde jeldiń kúsheıýi baıqalady.
Kúndiz Aqmola oblysynyń soltústiginde, shyǵysynda jel 15-20 m/s kúsheıedi. Túnde jáne tańerteń óńirdiń ońtústiginde tumandy bolady. Almaty oblysynyń ońtústiginde jáne taýly aýdandarynda naızaǵaı, burshaq, daýyl kútiledi. Naızaǵaı kezinde jel 17-22 m/s, Alakól kólderi aýdanynda 25 m/s kúsheıedi.
Túrkistan oblysynyń batysynda, ońtústiginde jáne taýly aýdandarynda naızaǵaı, daýyl, taýly aýdandarda burshaq, 15-20 m/s ekpinde jel boljanady. Jambyl oblysynyń ońtústiginde jáne taýly aýdandarynda naızaǵaı, burshaq, daýyl, oblystyń soltústik-shyǵysynda jáne taýly aýdandarynda 15-20 m/s kúshpen jel boljanady.
Kúndiz Qyzylorda oblysynyń ońtústiginde naızaǵaı kútiledi, oblys ortalyǵynda jel 15-20 m/s artady. Kúndiz Pavlodar oblysynyń basym bóliginde jel 15-20 m/s kúsheıedi. Kúndiz Mańǵystaý oblysynyń batysy men ortalyǵynda jeldiń jyldamdyǵy 15-20 m/s artyp, shańdy daýyl turady.
Qostanaı oblysynyń soltústiginde tuman, kúndiz soltústikte, shyǵysta jel 15-20 m/s kúsheıedi. Kúndiz Soltústik Qazaqstan oblysynyń ońtústiginde jel 15-20 m/s artady. Túnde jáne tańerteń oblystyń batysynda tuman bolady.
Sonymen birge Batys Qazaqstan, Soltústik Qazaqstan oblystarynyń ońtústiginde, Aqtóbe oblysynyń ortalyǵynda, Pavlodar oblysynyń ortalyǵynda tótenshe órt qaýpi saqtalady.
