Memleket basshysy Qasym-Jomart Toqaev Amanat partııasynyń tóraǵasy retinde ókilettigin toqtatyp, partııadan shyǵý týraly sheshimin habarlady. Osy oraıda, Prezıdenttiń usynysy boıynsha partııa tóraǵasy bolyp biraýyzdan Májilis Tóraǵasy Erlan Qoshanov saılandy. Prezıdenttiń bul qadamy Joldaýda aıtylǵan saıası reformalardy júzege asyrýdyń bastalǵandyǵynyń aıqyn kórinisi. Sonymen qatar
Qasym-Jomart Kemeluly Amanat partııasy elimizdiń saıası ómirinde erekshe oryn alatyn uıym bolyp qala beretinin jáne onyń strategııalyq baǵyty ózgermeıtinin atap ótti. Bul Jastar qanatyna da baılanysty uǵym.
Memleket basshysy Q.Toqaevtyń tapsyrmalaryn negizge ala otyryp, búginde Jastar qanatyn jandandyrý boıynsha jumys bastalyp ketti. Biz jas býyn arasyndaǵy ózekti máselelerdi sheshý úshin jańa baǵyttardy belgilep, Orleu, Qaisar, TazaLike sekildi partııalyq jobalardy iske asyrýǵa kúsh salyp jatyrmyz. TazaLike partııalyq jobasy ekologııalyq mádenıet pen oılaýdy, ómir saltyn qalyptastyrýdy kózdese, Qaisar áskerı-patrıottyq jobasy patrıotızmge, joǵary moraldyq-psıhologııalyq qasıetterge tárbıeleýge jáne áskerı qyzmetten jaltarýdy joıýǵa baǵyttalǵan. Al Orleu – aýyl jastary úshin áleýmettik lıft. Aýyl jastarynyń áleýetin tolyqqandy ashýdy qamtamasyz etý jáne ómir súrý sapasyn arttyrý úshin jaǵdaı jasaý maqsatynda júzege asatyn bolady.
Aıta ketetin taǵy bir mańyzdy jaıt – aldaǵy ýaqytta Jastar qanatynyń sezin ótkizý oıda bar. Sezd barysynda uıymǵa jańa ataý berý qarastyrylyp, tolyqtaı rebrendıng jasalady. Sonymen qatar elimizdiń túkpir-túkpirinen jınalatyn uıym músheleri qatysatyn bul sharada jastarǵa arnalǵan jańa baǵdarlama qabyldanyp, Ortalyq keńes músheleri jańartylmaq.
Nurjan JETPISBAEV,
Amanat partııasy
Jastar qanatynyń tóraǵasy
