Aımaqtar • 27 Sáýir, 2022

Tulǵa toıy Tarazdan bastaý aldy

59 ret kórsetildi

Bıyl ataqty akter, Qazaqstannyń Eńbek Eri Asanáli Áshimov 85 jasqa tolady. Qazaq teatry men kınosyna erekshe eńbek sińirgen óner korıfeıiniń eldik toıy týǵan jerinen bastaý aldy. Abyz Asanáli kóne Taraz shaharyna kelip, Asqar Toqpanov atyndaǵy oblystyq qazaq drama teatrynda kópshilikpen kezdesti.

Kezdesý barysynda Jam­byl oblysynyń ákimi Nurjan Nurjigitovpen birge qazaqtyń tuńǵysh teatr rejısseri Asqar Toq­panovtyń eskertkishine gúl shoq­ta­ryn qoıdy. Sondaı-aq kelý­shiler­men birge teatrdyń foıe­sinde uıymdastyrylǵan Asanáli Áshi­mov mýzeıin ta­ma­shala­dy. Aıtýly tulǵa óner týraly, ónerdegi dos­tary týraly umy­tyl­mas estelikterimen de bólisti.

О́ner ıesiniń mereıtoıyna oraı Asqar Toqpanov atyn­daǵy oblystyq qazaq drama teatryn­da Halyq ártisiniń shákirt­teri­nen quralǵan «Jańa ǵasyr» teatry­nyń akterleri Baqyt Be­del­han­nyń «Taǵdyr taqtasy» at­ty po­etıkalyq dra­masyn sahnalady. Atal­ǵan qoıy­lym Asanáli Áshimov­tiń qıly taǵdyry men shyǵarma­shylyǵyna arnalǵan. Sahnada qoıylǵan shahmat tektes alań ústinde shym-shytyryq, qym-qıǵash taǵdyr baıandala­dy. Qatar júretin baq pen sor, ókinish pen úmit sııaqty dúnıeler kórermendi abyz Asanáli álemimen jaqyn tanystyrdy. Sol shahmattyń taqtasynda Sháken Aımanov, Nur­muhan Jantórın, Asqar Toq­panov, Ánýar Moldabekov, Ra­ıymbek Seıtmetov jáne ózge de kórnekti tulǵalardyń beı­neleri asqaqtap kórindi. Jal­py, bul drama tulǵanyń kún­delikteri men estelik jazbalaryn qamtıdy. Sondaı-aq máń­gilik saǵynyshqa aınalǵan zaıyby Maıra Aımanova, ómirden erte ketken qos uly Mádı men Saǵı Áshimov beıneleri de kó­rinis tabady. Sahnadaǵy Asan­­áli olarmen muńdasady, syrlasady. Qoıylymdy belgili rejısser Juldyzbek Juman­baı sahnalaǵan. Al qarapaıym Asanáli rólindegi Qýanysh Qudaıbergen, akter Asanáli rólindegi Qasymbek Demeýov, Maıra rólindegi Naz­erke No­ǵaı­­baeva sııaqty akter­lerdiń oıyn­dary da kópshilikti beıjaı qaldyrmady. Saǵı men Mádı rólin somdaǵan Muh­tar Qosybaı men Madııar Jol­­das­bek te talantty sahnasheberleri ekenin tanytty.

Budan keıin oblys ákimi Nurjan Nurjigitov Asanáli Áshi­movti kele jatqan mereıtoıymen quttyqtap, akterdiń elimizdiń rýhanı-mádenı ómi­rine qosqan zor úlesin atap ótti. Sondaı-aq jambyldyq jurt­shylyq ta birtýar tulǵaǵa degen yqylasyn jetkizdi.

Sońǵy jańalyqtar

«Aqtóbe» kósh bastady

Fýtbol • Búgin, 08:42

Vaýt van Art birinshi orynda keledi

Sport • Búgin, 08:39

Tórtinshi aınalymǵa shyqty

Tennıs • Búgin, 08:38

Jastar jasyndaı jarqyldady

Sport • Búgin, 08:35

Til máselesi talqylandy

Qazaqstan • Búgin, 08:33

Dıplomatııalyq qyzmettiń 30 belesi

Qazaqstan • Búgin, 08:13

Indet qaıta órshidi

Álem • Keshe

О́ńirde damý úrdisi bar

Aımaqtar • Keshe

Tańdaıdyń tarlany

Tarıh • Keshe

Joǵalǵan soldat

Tarıh • Keshe

Dombyrany dáriptedi

Rýhanııat • Keshe

Almatyda 36 gradýs ystyq bolady

Aýa raıy • Keshe

Uqsas jańalyqtar