Qazaqstan • 28 Sáýir, 2022

Bızneske aqyly avtoturaq ta kedergi

22 ret kórsetildi

Elordanyń bıznes ortalyǵyn jalǵa alǵan kásipkerler bas shaharda aqyly avtoturaq kóbeıgenin, bul qurylys normalary men erejelerin buzyp qana qoımaı, birqatar shaǵyn jáne orta bıznes sýbektileriniń jabylýyna qaýip tóndirip otyrǵanyn jetkizdi.

Nur-Sultan qalasy kásipkerler palatasynyń alańynda ótken otyrys­ta bıznesti damytýǵa kedergi bolyp otyrǵan birqatar má­seleler talqylandy. So­nyń biri retinde orta jáne shaǵyn kásip ıeleri aqyly avtoturaqtar jaıyn kóter­di. «Buryn elordada aqyly avtoturaq kóp emes edi. Al qazir onyń sany 24-ten 536-ǵa deıin ósti. Osylaısha, qazir bas qalada barlyǵy 10 myńǵa jýyq turaq orny bar. Olardyń qataryna jol boıynda turǵan turaqtar ǵana emes, ǵımarat ıeleri jalǵa alǵan avtoturaqtar da kiredi. Qalalyq ákimdik ony jekemenshikke satyp alý­ǵa múmkindik bermeı otyr, óıtkeni avtoturaq ornalasqan jerasty joldarynda ártúr­li ınjenerlik jeliler óte­di. Endi osy turaqtar túgel pýlǵa alyndy, demek, aqy­ly boldy. Osy máseleni sheshýge qatysty «Atameken» ulttyq kásipkerler palatasyna usynys-pikirimizdi jol­dadyq», deıdi jıynda sóz sóılegen Qazaqstannyń bas­qarýshy jáne servıstik kompanııalar qaýymdastyǵynyń tóraǵasy Qaırat Kókenov.

Kásipker «Sankt-Peterbýrg» bıznes-ortaly­ǵyn mysalǵa keltirdi. Ǵıma­rat­tyń aınalasy túgel jalǵa berilgen. Alaıda jalǵa berý merzimi aıaqtalǵannan keıin ákimdik ony uzartýdan bas tartqan, sebebi qazirden basqarýǵa berilip qoıǵan. «Bizge belgili bolǵandaı, al­daǵy ýaqytta ákimdik bul jerdi Nur-Sultan qala­synyń Kólik jáne jol-kólik ınfraqurylymyn damy­tý basqarmasyna, ıaǵnı óz basqarmasyna, al ol MJÁ-niń basqarýyna berdi. Osy­laısha, Nur-Sultan na­ryǵynda monopolıst qu­ry­lýda, olar jol boıyn­da­ǵy ıesiz turaqtardy ǵana emes, ǵımarattar men qury­lys­tardyń janyndaǵy bar­lyq turaq ornyn basqarýǵa almaq», deıdi Q.Kókenov.

Kásipkerler jurtshylyq kirip-shyǵatyn ǵımarattyń tóńiregi bári aqyly bolsa, bul klıentterdiń kelýin azaıtatynyn jetkizdi. Al klıentter qyzyǵýshylyq tanytpaǵannan keıin bıznes te durys júrmeıdi degen sóz. Sondyqtan bıznes ókilderi bul jaıtty eg­jeı-tegjeıli zerdelep, kásip­kerlikke qolbaılaý bolyp otyrǵan másele retinde res­pýb­lıkalyq kedergiler kartasyna engizýdi usyndy.

Sońǵy jańalyqtar

Ozyq óndiris ornynda boldy

Aımaqtar • Búgin, 08:20

Ult saýlyǵyn ulyqtaǵan megapolıs

Elorda • Búgin, 08:18

Baǵdaryń qalaı, bas qala?

Elorda • Búgin, 08:17

«Astana Operamen» dos bolaıyq

Teatr • Búgin, 08:15

Dımash pen Djekson

О́ner • Búgin, 08:10

Utqanymyz shamaly bolyp tur

Qoǵam • Búgin, 08:05

Irikteýdiń ekinshi kezeńine ótti

Sport • Búgin, 08:02

Egizder festıvali

Qoǵam • Búgin, 08:00

Elordanyń damý dańǵyly

Elorda • Keshe

«Nur-Sultan kitaphanasy»

Elorda • Keshe

Qattalǵan tarıh qazynasy

Elorda • Keshe

Ahańnyń adaldyǵy

Ahmet Baıtursynuly • Keshe

Qaraly kezeń kartınasy

Qazaqstan • Keshe

Parıjge syımaǵan Pol

О́ner • Keshe

Qarttar úıindegi vals

Qoǵam • Keshe

Uqsas jańalyqtar