Azamattyq avıasııa salasyndaǵy Eýrokomıssııamen yntymaqtastyq jónindegi jumys sheńberinde QR IIDM Azamattyq avıasııa komıtetiniń tóraǵasy Talǵat Lastaev, Indýstrııa jáne ınfraqurylymdyq damý mınıstriniń keńesshisi Azat Bekturov, «Qazaqstannyń avıasııa ákimshiligi» AQ bas dırektory Katalın Radý, Belgııadaǵy Qazaqstan elshiliginiń qyzmetkerleri bastaǵan qazaqstandyq delegasııa ókilderi kólik máseleleri jónindegi Eýropalyq komıssııa komıssary kabınetiniń basshysy V. Getspen kezdesti.
Kezdesý barysynda taraptar ushý qaýipsizdigi, Qazaqstan men Eýroodaq elderi arasyndaǵy áýe reısterin ulǵaıtý jáne ashý syndy máselelerdi talqylady.
Sonymen qatar basqosýda Qazaqstan men Eýroodaq arasyndaǵy áýe qatynasy týraly «deńgeıles kelisim» normalaryn engizý de nazarǵa alyndy.
Ekijaqty tıimdi áriptestikke negizdelgen kezdesý sońynda taraptar yntymaqtastyqty odan ári damytý jumysyn jalǵastyrýǵa ýaǵdalasty.
