Bas sanıtardyń aıtýynsha, qazirgi kezde Qazaqstanda 4 mıllıon dozadan astam vaksına bar. Atap aıtqanda, qytaılyq Sinopharm vakınasynyń 1,8 mıllıon dozasy, Pfizer - 1,5 mıllıon, sondaı-aq QazVac-tyń 800 myń ekpesi saqtaýly tur.
«Bunyń bári vaksınalaý men revaksınasııaǵa tolyǵymen jetedi. Sol sebepti qosymsha vaksına satyp alýdyń qajeti joq. Biz ekpelerdi salý sharalaryn únemi baqylap otyramyz. «Spýtnık V»-di satyp alý josparda joq. Qazirgi kezde Qaraǵandy farmasevtıkalyq kombınaty burynǵydaı dári-dármekterdi shyǵaryp jatyr. Vaksınaǵa deıin osy jumyspen aınalysqan. Qazirgi kezde ol jerde vaksına shyǵarylmaıdy», dedi A. Esmaǵambetova jýrnalısterge bergen suhbatynda.
Onyń sózine qaraǵanda, qazirgi vaksınalar qazan aıyna deıin jetedi. Budan keıin sheteldik vaksınalar tegin ekpe úshin satyp alynbaıdy. Ony tek kámelet jasqa tolmaǵan balalar úshin jetkizip otyrady. Al eresek adamdar otandyq QazVac-ty tegin ektire alady. Sheteldik vaksınany aqyǵa saldyrýǵa múmkindik bolady.
Aıta keteri, 2020 jyly jeltoqsan aıynda Qaraǵandy farmasevtıkalyq kombınaty reseılik «Spýtnık V» vaksınasyn shyǵarýdy bastaǵan. Al bıyl qańtar aıynda revaksınasııa úshin «Spýtnık Laıttyń» 150 myń dozasy jetkizildi.
Aıana Toǵanbek
