Medısına • 11 Mamyr, 2022

Almatyda farmasevtıkalyq zaýyt salynady

45 ret kórsetildi

Túrkııa ınvestorlary Almaty qalasynda farmasevtıkalyq zaýyt salýǵa qarjy bóledi. Bul jónindegi kelisimge QR Densaýlyq saqtaý mınıstri Ajar Ǵınııattyń Túrkııada ótkizgen kezdesýi barysynda qol jetkizildi, dep habarlaıdy Egemen.kz.

QR Densaýlyq saqtaý mınıstri Ajar Ǵınııat Qazaqstan Prezıdenti Qasym-Jomart Toqaevtyń Túrkııa Respýblıkasyna memlekettik sapary aıasynda Nobel Ilac farmasevtıkalyq kompanııasynyń basshysy Hasan Ýlýsamen birlesken jobalar boıynsha kezdesý ótkizdi.

«Densaýlyq saqtaý salasyndaǵy ekijaqty yntymaqtastyqty odan ári jandandyrý, sondaı-aq seriktestik qarym-qatynastarymyzdyń tabysty kórsetkishi, ol búgingi kúni Almaty qalasynda ekinshi farmasevtıkalyq zaýyt salý jónindegi yntymaqtastyq týraly kelisimge qol qoıý bolyp tabylady», dedi A.Ǵınııat kezdesýde.

Mınıstr bıyl farmasevtıkalyq ónim shyǵarý boıynsha «Nobel AFF» AQ birlesken qazaqstandyq zaýytynyń qurylǵanyna týra 20 jyl tolatynyn eske saldy.

Nobel Ilac kompanııasy qoldanystaǵy óndiristi jańǵyrtýǵa jáne keńeıtýge, sondaı-aq Almaty qalasynda ekinshi farmasevtıkalyq zaýyt salýǵa qosymsha 55 mln dollar ınvestısııalaýdy josparlap otyr.

Qazirgi ýaqytta jobalaý-smetalyq qujattar jáne tehnıkalyq-ekonomıkalyq negizdeme ázirlenip jatyr. Olardy 2022 jylǵy birinshi jartyjyldyqtyń sońyna deıin aıaqtaý jáne 2025 jylǵy jeltoqsanda tolyq aıaqtaı otyryp, jobany kezeń-kezeńimen iske asyrýǵa kirisý josparlanýda.

Sapar barysynda Densaýlyq saqtaý mınıstri Ajar Ǵınııat Almaty qalasynda farmasevtıkalyq preparattardy óndirý boıynsha osy attas kompanııanyń basshysy Zeınep Atabaımen ekijaqty kelisimge qol qoıdy.

Mınıstrdiń aıtýynsha, atalǵan kásiporyn biregeı dárilik zattar men medısınalyq buıymdardyń otandyq óndirisin damytýǵa, otandyq farmasevtıkalyq ónimniń eksporttyq áleýetin arttyrýǵa, sondaı-aq ǵylymı jáne kadrlyq áleýetti nyǵaıtýǵa múmkindik beredi.

Qol qoıylǵan Kelisim aıasynda ATABAY KIMYA SANAYI TICARET kompanııasy zaýyt qurylysyna 10 mln AQSh dollar ınvestısııalaýdy josparlap otyr. Jobany iske asyrý merzimi 2023 jyldyń sońyna deıin, jańa jumys oryndarynyń sany 200-ge jetedi.

Sońǵy jańalyqtar

Shymkentte taǵy bir aýdan qurylady

Qoǵam • Búgin, 16:58

Almatyda qant qymbattap barady

Qoǵam • Búgin, 16:45

Dollar baǵamy ósti

Qarjy • Búgin, 16:12

Dollar qymbattady

Qarjy • Búgin, 10:59

Elordada áýe shary qulady

Oqıǵa • Búgin, 10:37

Qarjy mınıstriniń orynbasary taǵaıyndaldy

Taǵaıyndaý • Búgin, 10:24

EQYU Bas hatshysy Qazaqstanǵa keledi

Parlament • Búgin, 09:31

Uqsas jańalyqtar