«Referendým – bul Konstıtýsııaǵa ózgerister engizý qajettigi boınsha búkilhalyqtyq daýys berý rásimi. Atalǵan rásim memlekettiń neǵurlym mańyzdy máselelerine arnalǵan sheshimderdi qabyldaýǵa qatysty ótkizilýi múmkin. Konstıtýsııanyń 91-babyna sáıkes oǵan túzetýler engizýdiń 2 joly bar. Biri respýblıkalyq referendým nemese Parlament arqyly. Prezıdent birinshi joldy tańdady. О́ıtkeni, dál osy jol demokratııalyq ınstıtýttardyń damýyn kórsetedi. Referendýmǵa kámelet jasyna tolǵan barlyq azamat qatysa alady. Búginde ortalyq saılaý komıssııasy referendýmǵa qatysýǵa quqyǵy bar azamattardyń tizimin jasaqtap jatyr», dedi Alma Muqanova Ortalyq kommýnıkasııalar qyzmeti alańynda ótken baspasóz máslıhatynda.
