ShQO-da tirkelmegen qarýdy, oq-dárilerdi jáne jarylǵysh zattardy satyp alý aksııasy jalǵasýda. Aksııanyń maqsaty – qoǵamdyq qaýipsizdikti nyǵaıtý jáne qarýly qylmys jasaý qaýipin azaıtý.
Zańsyz saqtalǵan qarýdy óz erkimen tapsyrǵan azamattarǵa qarýdyń tehnıkalyq jaı-kúıine baılanysty onyń árbir birligi úshin 10-nan 100 AEK-ge deıin aqshalaı tólem kózdelgen.
ShQO turǵyndary bul is-sharaǵa belsendi túrde qatysýda.
6 mamyrda Úrjar aýdanynyń 56 jastaǵy turǵyny marqum ákesinen qalǵan 16 kalıbrli IJ-K bir uńǵyly ańshylyq myltyǵyn polısııaǵa óz erkimen tapsyrǵan.
Aksııanyń 19 kúninde azamattardan 65 ótinish kelip tústi, 92 birlik atys qarýy (15 oıyq jáne 75 tegis uńǵyly qarý) jáne 7-62 kalıbrli 370 patron qabyldandy. Búgingi tańda bólingen 10 mln teńgeniń 6 mln teńgesi ıgerildi.
Aıana Toǵanbek
