Mereıtoılyq jıynǵa Qazaqstan kóshbasshysynan basqa, Armenııanyń Premer-mınıstri Nıkol Pashınıan, Belarýs Prezıdenti Aleksandr Lýkashenko, Qyrǵyzstan Prezıdenti Sadyr Japarov, Tájikstan Prezıdenti Emomalı Rahmon, Reseı Prezıdenti Vladımır Pýtın, sondaı-aq UQShU-nyń bas hatshysy Stanıslav Zas qatysty. Qasym-Jomart Toqaev kezdesýge qatysqandarǵa iltıpat bildirip, mereıtoılyq sessııany uıymdastyrǵany úshin Reseı tarapyna jáne Vladımır Pýtınge jeke rızashylyǵyn bildirdi.
Qazaqstan Prezıdenti UQShU-nyń 30 jyl ishinde odan ári damý úshin zor áleýeti bar kópjaqty yntymaqtastyqtyń naqty mehanızmi retinde qalyptasqanyn atap ótti. Qasym-Jomart Toqaev beıbitshilik pen turaqtylyqty, halyqaralyq jáne aımaqtyq qaýipsizdikti saqtaý, múshe memleketterdiń aýmaqtyq tutastyǵy men egemendigin qorǵaý UQShU-nyń basty mindeti ekenin aıtty. Prezıdent UQShU-nyń turaqty jumys organdarynyń tabysty qyzmetine, ártúrli formattaǵy tyǵyz yntymaqtastyqty, sondaı-aq Uıymnyń kúshtik, quqyq qorǵaý jáne bitimgershilik áleýetin kúsheıtý máselesine toqtaldy.
Memleket basshysy sóılegen sózinde halyqaralyq terrorızm men ekstremızmge, zańsyz esirtki jáne qarý-jaraq aınalymyna, kóshi-qonǵa, sonyń ishinde Aýǵanstandaǵy ahýaldyń órshýine qarsy is-qımyl máselelerine erekshe nazar aýdardy.
«Aýǵanstandaǵy jaǵdaı, sondaı-aq osy eldiń aýmaǵyndaǵy qarýly toptardyń belsendi áreketi memleketterimizdiń qaýipsizdigi men turaqtylyǵyna qater tóndirip otyr. UQShU barlyq yqtımal qaýip-qaterlerdi eskerip, Ortalyq Azııanyń ońtústik shekaralarynyń qaýipsizdigin qamtamasyz etýge kóbirek kóńil bólýi kerek dep esepteımin», dedi Qazaqstan Prezıdenti.
