Balyqshy

Belgili sýretshi Qanafııa Tel­janovtyń «Balyqshy Dúıse­taıdyń portreti» kartınasy portret janryna jatady jáne realızm stılinde jazylǵan. Olaı deıtin se­be­bimiz, ol sol dáýirde kol­hoz­darǵa baryp, eń­bek­shi­ler­­men, mádenıet qaı­rat­kerlerimen jáne eńbek er­lerimen kezdese júrip, es­kız syz­dy. Onyń alǵashqy kar­tı­na­lary tyń ıgerýge, ja­ńa qalalar, óndiristik zaýyt­tar qurylysyna, ıaǵnı Qa­zaqstannyń turmysy men máde­nıetine arnalǵan.

Sýretker Balqash óze­ni­niń ońtústik jaǵasynda or­nalasqan balyqshylar aýyly­na arnalǵan birqatar kartı­na jazǵan. Bul jerge jıi shy­ǵarmashylyq issaparmen kelip turdy. Baqsańyz, atalǵan shy­ǵarmasynda motorly qa­ıyqpen ketip bara jatqan ba­lyqshyny beıneleıdi. Bir qa­raǵanda óte jınaqy portret, balyqshynyń tulǵasy móldir sýǵa qarama-qarsy kórinedi. Keıipkerdiń bas kıimi men ıy­ǵyna aq tań­ba bolyp tús­ken kúnniń ja­ryǵy kól tol­qyndarymen aqtańdaqtanyp ádemi kórinis syılaıdy. Kó­rermenniń nazary kúnge kúıgen, totyqqan jáne bir qaraǵanda qatal júzdi er kisiniń kelbetine túsedi, onyń balyqshyǵa ar­nal­ǵan brezent plashynyń ja­ǵasynan jel esip tur.

Q.Teljanov kartınasynda kontrajýr tásilin qoldanǵan. Munda jaryqtyń sáýlesi zat­tyń nemese nysannyń artynan tú­sedi. Kontrajýr – ju­mystyń sezimtaldyǵy, onyń beıneligi. Zattar sulba, úlken tańba bolyp kórinedi. Sondaı-aq artyq bólshekterdi kesip tas­­taıdy, beınelerdi jalpylaıdy, keńistikti erkin sezinesiz.

Sýretshi keıipkeriniń aıqyn bet kelbetin, qalyń ernin, ájimderin, tilimdelgen ashyq mańdaıyn, tereń oıly kózderin aıqyn bergen. Sol ar­qyly ol qylqalam men boıaý­dyń kómegimen qarapaıym beı­nelerdiń artynda tutastaı álem turǵanyn kórsetedi. Kó­rer­men óner týyndysyn kó­rip qana qoımaıdy, sol sııaqty oıǵa da batady. Kartınada syrtqy qolaılylyq, taqyryppen syr­ǵý joq. Bul jerde biz adamǵa degen emosıonaldy tereń ári jyly qatynasty kóremiz.