Qoǵam • 18 Mamyr, 2022

Sheteldik mýltfılmderdi qazaq tiline aýdarýǵa qansha qarjy bólindi

22 ret kórsetildi

Nickelodeon jáne Tiji telearnalary qazaq tilinde mýltfılm kórsetýdi bastaıdy. Jalpy aýdarma jasaýǵa 570 mln teńge bólindi. Bul týraly Aqparat jáne qoǵamdyq damý vıse-mınıstri Danııar Qadyrov aıtty, dep habarlaıdy Egemen.kz

Vıse-mınıstr Prezıdent Qasym-Jomart Toqaev 2022 jyldy Balalar jyly dep jarııalaǵanyn atap ótti.

«Balalardyń tárbıesi tilden bastalady. Osyǵan baılanysty aqparat jáne qoǵamdyq damý mınıstrligi byltyr Nickelodeon jáne Tiji telearnalarymen kelissóz júrgizdi. Bıyl otandyq kabeldik operatorlar: Alma TV, TV kommerrs, Qazaqtelekom Nickelodeon jáne Tiji telearnalary qazaq tilinde kórsetile bastady», dedi mınıstrdiń orynbasary OKQ-de ótken baspasóz máslıhatynda.

Danııar Qadyrov jańa balalarǵa arnalǵan telearnalar eldegi mýltıplıkasııany damytýǵa serpin beretinin jetkizdi.

«Áleýmettik zertteýlerge sáıkes elde balalar kontenti boıynsha Balapan telearnasy kósh basynda tur. Sondaı-aq joǵaryda atalǵan eki telearna básekege qabiletti, álemdik deńgeıde bolǵandyqtan olardy tańdap aldyq. О́ıtkeni Nickelodeon telearnasy 180 elge, Tiji 20 elge habar taratady», dedi vıse-mınıstr.

Sondaı-aq mınıstrdiń orynbasary telearnalardyń jumysyna qansha qarjy bólingenine toqtaldy.

«Aqparat jáne qoǵamdyq damý mınıstrligi men «Rýhanı jańǵyrý» qazaqstandyq qoǵamdyq damý ınstıtýty qazaq tilin damytý úshin memleket qarjysyn bóldi. Jalpy 570 mln teńge bólindi, qarjy bir jylǵa josparlanǵan. Bul aqshaǵa 800-ge jýyq saǵatqa aýdarma jasaldy», dedi Danııar Qadyrov.

Aıana Toǵanbek

Sońǵy jańalyqtar

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Álemde altyn arzandady

Álem • Keshe

Uqsas jańalyqtar