Belgili bolǵandaı, Aqtaýdaǵy 25744 áskerı bóliminde boryshyn ótep júrgen qatardaǵy A. esimdi jaýyngerdiń psıhıkasynyń buzylýy jaıly áleýmettik jelide aqparat tarady.
2022 jylǵy 18 mamyrda saǵat 12:00-de bólim basshylyǵy sarbazdyń aınalada bolyp jatqan oqıǵalarǵa túsiniksiz reaksııa kórsetkenin, ózimen-ózi sóılesip júrgenin baıqaǵan. Bolǵan oqıǵa týraly sarbazdyń ata-anasyna habarlanǵan.
«Sarbaz medısınalyq tekserýden ótkizý úshin oblystyq aýrýhanaǵa aparyldy. Tekserý nátıjesinde (MRT, mıdyń KT) dene jaraqattary men qaýipti patologııalar anyqtalǵan joq. 19 mamyrda mamandar qaıta tekserý júrgizýdi josparlap otyr», dep atap ótti vedomstvo ókilderi.
Sondaı-aq QR QM baspasóz qyzmeti sarbazdyń áskerge kúshpen ákelingeni týraly málimetke qatysty túsinik berdi.
«2022 jylǵy 4 mamyrda áskerge shaqyrylǵan A. esimdi jigitke belgilengen tártippen shaqyrý qaǵazy berildi. 11 mamyrda ol shaqyrý pýnktine keldi. Sol jerde oǵan jáne onyń týysqandaryna azamattyń basqa garnızonǵa barmaı-aq, Aqtaý qalasynda qyzmet ótkeretini málimdelgen bolatyn. Budan keıin áskerge shaqyrylýshy retinde A. Qarýly kúshterdiń qatarynda qyzmet etýge ótinish bildirdi», delingen Qorǵanys mınıstrliginiń habarlamasynda.
