Bilim • 20 Mamyr, 2022

Aýyl mektepteri zamanaýı jabdyqtarmen qamtylady

30 ret kórsetildi

Premer-Mınıstrdiń orynbasary Eraly Toǵjanov Senattaǵy jastardy qoldaý taqyrybyna arnalǵan parlamenttik tyńdaýda úzdik pedagogterdi óńirlerge tartýǵa arnalǵan arnaıy baǵdarlama ázirlenip jatqanyn habarlady, dep jazady Egemen.kz.

«Qala men aýyl mektepteri arasyndaǵy bilim sapasynyń alshaqtyǵy máselesi bar ekeni de belgili. Bul qoǵam tarapynan, senatorlar tarapynan kóterilip júrgen suraqtardyń biri. Osy alshaqtyqty joıý úshin mektepterdi modernızasııalaý júrgizilýde. Atap aıtqanda bul aýyl mektepterin bilim sapasyna tikeleı yqpal etetin – pándik kabınettermen, kitaphanalarmen, ınternetpen jáne mektep jıhazymen jabdyqtaýǵa baǵyttalǵan. О́tken jylmen qosqanda bıyl 2 myńnan asa aýyl mektebi osyndaı jańǵyrtýdan ótedi (2025 jylǵa qaraı 5000 mektep)», dedi Eraly Toǵjanov.

Sonymen qatar ol mekteptegi bilimniń deńgeıi ustazdardyń biliktiligimen de baılanysty ekenin atap ótti.

«Sondyqtan Memleket basshysynyń tapsyrmasyna sáıkes úzdik pedagogterdi óńirlerge tartýǵa arnalǵan arnaıy baǵdarlama ázirlenip jatyr. Baǵdarlamaǵa sáıkes bilim sapasynda alshaqtyq bar óńirlerge (Mańǵystaý, Atyraý, Túrkistan, Almaty oblystary) baratyn, irikteýden ótken pedagogterge ústemaqy tólenetin bolady», dedi Úkimet basshysynyń orynbasary.

Sońǵy jańalyqtar

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Álemde altyn arzandady

Álem • Keshe

Uqsas jańalyqtar