Aımaqtar • 20 Mamyr, 2022

Qaraǵandy oblysyndaǵy tas jolda brakoner ustaldy

18 ret kórsetildi

Polısııanyń ýyldyryq shashý kezinde balyq aýlaýǵa tyıym salynǵany týraly eskertýlerine qaramastan, keıbir azamattar balyq aýlaýdy jalǵastyrýda, dep habarlaıdy Egemen.kz.

17 mamyrda «Ýyldyryq shashý» jedel aldyn alý is-sharasyn ótkizý kezinde Qaraǵandy oblysy PD tabıǵatty qorǵaý polısııasy jáne patrýldik polısııa batalonynyń qyzmetkerleri Almaty – Ekaterınbýrg avtojolynda, ıaǵnı Prıozersk qalasynyń mańynda avtokólikti toqtatty.

Kólikti kórshi qalanyń 35 jastaǵy turǵyny basqarǵan. Polıseılerdiń qujattaryn kórsetip, júk salǵyshyn kórsetý týraly ótinishine júrgizýshi mazasyzdana bastady. Polısııa júk bóligin tekserý kezinde tolqýdyń sebebin anyqtady. Er adam salmaǵy 15 keli taban balyqty alyp kele jatqan.

Júrgizýshiniń balyq tasymaldaýǵa ruqsat qujattary bolmady. Balyqshyǵa qatysty QR QK-niń 335-baby (Balyq resýrstaryn, basqa da sý janýarlaryn nemese ósimdikterin zańsyz alý) boıynsha sotqa deıingi tergeý bastaldy. Balyq resýrstaryn zańsyz óndirý arqyly tabıǵatqa keltirilgen zalal belgilenedi.

Aıana Toǵanbek

Sońǵy jańalyqtar

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Álemde altyn arzandady

Álem • Keshe

Uqsas jańalyqtar