Jetisý joldary qashan jaqsarady?

Ásirese óńirdegi problemalyq máse­lelerdi aıtqan Úkimet basshysy tıisti vedomstvolar men oblys ákimdikterine josparlanǵan jobalardy ýaqytynda paıdalanýǵa berýdi jáne bólingen qarajatty tolyq ıge­rýdi qamtamasyz etýdi tapsyrdy. Osy oraıda Almaty oblysynda qandaı jumystar istelip jatqanyna az-kem toqtalyp ótsek. Bıyl Jetisýda­ǵy jer­gilikti mańyzy bar joldardy jóndeýge 59 mlrd teńge qarjy bó­lingen eken. Búginde aımaqtaǵy 150 eldi mekenniń kóshelerin jáne uzyndyǵy 500 shaqyrym bolatyn oblystyq joldardy jóndeý bas­talǵan. Boljam boıynsha, jyl sońy­na qaraı jaǵdaıy jaqsaratyn ishki joldardyń úlesi 91 paıyzǵa jetýge tıis. О́ńirdegi joldardyń sapasyn arttyrý jumysy «Myqty óńirler – el damýynyń draıveri» ulttyq jobasy aıasynda júrgizilýde. Bul bo­ıynsha 2025 jylǵa deıin 1 700 shaqyrym joldy jóndeýdiń barlyq túrimen qamtý josparlanǵan. Qazir Almaty qalasynan kóliktiń shy­ǵýyn jeńildete túsý maqsatynda jo­ǵa­r­ǵy Qaskeleń trassasy men Talǵar trak­ty joldaryn birinshi sanatqa deıin jetkizip, qaıta jańartý kózdelip otyr. Bul maqsatta Úlken Almaty aınalma jolyna shyǵatyn alty ishki jol salynady. Jobaǵa sáıkes megapolıstiń Saın, Abaı, Rysqulov kósheleri men Soltústik aınalma joly kóshesinen qosymsha jol salý jumystary bastaldy. Osy jyly 8,5 mlrd teńge bólindi. Nátıjesinde, 2025 jylǵa qaraı jaqsy jáne qanaǵattanar­lyq jaǵdaıdaǵy oblystyq mańyzy bar joldardyń úlesin 95 paıyzǵa jetkizýge múmkindik beredi.

Aımaqta respýblıkalyq mańyzy bar joldyń problemasy tolyq sheshilip qoıdy deýge bolmaıdy. Máselen, qazir qurylysy júrip jatqan «Saryózek – Kóktal» avtomobıl jolynyń jóndeý ju­mys­ta­ry qarjy jetispeýshiligine baı­lanysty toqtap qalýy múmkin. Iаǵnı jol qurylysy orta jolda qalady degen kúdik basym.

– 2021 jyldan bastap «Sary­ózek – Kóktal» avtomobıl jolynyń Altyn-Emel asýyna kúrdeli jóndeý júr­gizilýde. Bul jol oblys orta­ly­ǵyn Ker­bulaq, Panfılov aýdandary ar­­qyly «Qorǵas» shekara mańy aı­ma­­ǵy­men baılanystyrady. Jol tóse­mi 90 paıyzǵa deıin buzylǵan. Jobanyń ­jalpy quny – 7 mlrd teń­ge, onyń ishinde bıyl 1 mlrd teńge ǵana bólindi. Bir aıdyń ishinde qarjy bitetin túri bar. Joldyń tranzıttik áleýetin ­es­­kere otyryp, osy jyly qarjylan­dyrý somasyn 5 mlrd teńgege ulǵaıtý­dy Úkimetten surap otyr­myz. Bul joba aıaqtalsa oblys tur­ǵyndary­nyń jol júrýin oń baǵytta qamtama­­syz etedi, – dedi Qanat Bozymbaev.

Aıtpaqshy, 2017 jyldan bas­tap uzyndyǵy 313 shaqyrym bola­tyn «Taldyqorǵan – Úsharal» avto­mobıl jolyn qaıta jańartý jumy­sy júrgizilýde. Búginge deıin bul ba­ǵyt­taǵy 280 shaqyrym jolǵa, ıaǵnı 89 paıyzǵa asfaltbeton jabyny tó­selgen. Alaıda qurylys maýsymy bastalǵanyna qaramastan, joldyń qalǵan 33 shaqyrymynda jumystar áli júrgizilmeı otyr.

– Bul jol oblystaǵy bes iri el­di meken arqyly ótedi. Men Aqsý, Sar­qan jáne Alakól aýdany hal­qy­men kezdesýler kezinde osy jol­dyń bar­lyq ýchaskesin aralap shyq­tym. Kezdesý barysynda turǵyndar jol­dyń qurylysy sozylyp ketkenin, sonyń kesirinen qarym-qatynastyń qıyndap otyrǵanyn kóterdi. Budan aýdandardaǵy shaǵyn jáne orta bıznes te zardap shegip otyrǵany aıtyldy. Iаǵnı aınalma joldardyń jaǵdaıy nashar, qysta qary tazalanbaǵan, shuń­qyry kóp. Joldyń qalǵan ýchaskesin qaıta jańartýdy dereý bastaý qajet, – deıdi Q.Bozymbaev.

Almaty oblysy