Aımaqtar • 22 Mamyr, 2022

Perzenthana mańyndaǵy jarylys

63 ret kórsetildi

Senbi kúni Shymkentte ornalasqan Túrkistan oblystyq №1 perınataldy ortalyq janyndaǵy ǵımaratta jarylys boldy. Jarylys kezinde perınataldy ortalyqta 189 em alýshy jáne 65 qyzmetker bolǵan.

Búginde ortalyqtaǵy analar men sábı­ler, jalpy emdelýshiler oblystaǵy per­zent­hanalarǵa jetkizilip, tıisti emderin alý­da. Oqys oqıǵa saldarynan úsh adam qaza bolǵan, túrli jaraqat alǵan jeti adam oblystyq jáne qalalyq aýrýhanalarda emdelýde.

Oblystyq qoǵamdyq densaýlyq basqar­ma­synyń basshysy Marat Pashımov oqys oqıǵa kezindegi qıyn jaǵdaıda perzent­hana ujymy bir kisideı jumylyp, dárigerlik min­detterin atqarǵanyn, úreıge boı al­dyrmaı tıisti kómekterin kórsetip, emdelýshilerdi kó­shi­rýge atsalysqanyn aıtady. «Oblys ákimi О́mirzaq Shókeev oqıǵa ornyna shuǵyl jetip, tıisti tapsyrmalar berdi. Densaýlyq saqtaý mınıstri der kezinde nazar aýdaryp, nusqaýlyqtar berdi. Jarylys bolǵan mańaıdaǵy úılerdiń turǵyndary, tipti sol aradan ótip bara jatqan adamdar da qolushyn berýge tyrysty. О́z basym muny meıirimdiliktiń, birliktiń bir kórinisi dep qabyldadym. Búginde oblys jáne qaladaǵy júkti áıelderge qyzmet kórsetýde eshqandaı kedergi joq. Oblys ortalyǵyndaǵy, qala­da­ǵy jáne aýdandardaǵy perzenthanalar men aýrýhanalar tolyqqandy jumys isteýde», dedi oqys oqıǵaǵa baılanysty kúni keshe arnaıy brıfıng ótkizgen oblystyq qoǵamdyq densaýlyq basqarmasynyń basshysy. Senbi kúni bolǵan oqys oqıǵany retimen baıandasaq...

Qalalyq tótenshe jaǵdaılar depar­ta­menti baspasóz qyzmetiniń málime­tinshe, órt týraly habarlama kúndizgi saǵat 11:36-da túsken. О́rt sóndirýshiler jetken kezde jarylys saldarynan «Aýrýhanaaralyq 138-dárihana» JShS-ne qarasty 2 qa­batty jeke turǵyn úıden órt shyqqany anyqtalǵan. Ǵımarattyń jalpy aýdany 360 sharshy metr, qabyrǵalary kirpishten, shatyry gofr kartonmen qaptalǵan. Jarylys saldarynan 130 sharshy metr aýmaqta ǵımarat ishinara opyrylyp, 5 qabatty turǵyn úıdiń janyndaǵy páterdiń balkony men terezeleri, 7 avtokólik zaqymdanǵan. Jalyndy aýyzdyqtaýǵa departamenttiń 37 qyzmetkeri jáne 9 tehnıka jumyldyrylǵan. О́rt saǵat 12:06-da sóndirildi. Tótenshe jaǵ­daılar departamentiniń qyzmetkerleri oqıǵa ornynan janyp ketken er adamnyń máıitin tapty. Oqıǵa ornyna sondaı-aq Shymkent qalasynyń ákimi Murat Áıtenov, polısııa departamentiniń basshylyǵy jedel jetken. Jarylys bolǵan aýrýhanaaralyq dárihana ǵımaratynyń tolyq joıylǵany, onda tuzdy eritindi óndiriletini anyqtalyp otyr.

Jarylys bolǵan ǵımarattyń perına­tal­dyq ortalyqqa esh qatysy joq bolyp shyqty. Degenmen ókinishke qaraı, ja­ry­lystyń kúshti tolqynynan dárihana ma­­ńaıyndaǵy perzenthanaǵa da zardap tıgen. Ásirese birinshi qabattaǵy jan­saqtaý bólimine. Terezeleri qırap, jab­dyq­tar isten shyqqan. Jarylys bolǵan ǵı­marattyń janyndaǵy perzenthanadan ana men sábıler, medısına qyzmetkerleri je­del basqa ǵımaratqa kóshirildi. Qalalyq tó­tenshe jaǵdaılar departamentiniń bas­ty­ǵy Madııar Jaqsybaev jarylys bol­ǵan ǵımarattyń qasyndaǵy bes qabatty turǵyn úıdiń 20-ǵa jýyq turǵyny da qaýipsiz jerge kóshirilgenin málim etti. «Olardyń arasynda zardap shekkender joq. Dese de oqıǵa ornynda jedel qutqarý jasaǵy men kınologter jumys istep jatyr. Qalalyq ákimdikte shtab qurylyp, arnaıy tehnıkalarmen tazalaý jumystaryn júrgizý sharalary bas­taldy. Jarylys bolǵan ǵımarattyń ıesi ishte jumysshylar bolmaǵanyn aıtady. Bári demalysta bolǵan. Sonymen qatar ǵımaratta eki tonnadaı sýtegi asqyn totyǵy saqtalǵanyn jetkizdi. Bul – fýrasıllın men glıýkoza shyǵaratyn suıyqtyq. Jarylysqa osy suıyqtyq sebep bolýy múmkin degen boljam bar. Dese de onyń naqtysy tekserý barysynda anyqtalady. Gazdyń kesirinen jarylys bolýy múmkin degen boljam qarastyrylyp jatqan joq», dedi qalalyq TJD bastyǵy. Sondaı-aq departament bastyǵynyń aıtýyna qaraǵanda, jarylys saldarynan eki qabatty ǵımarattyń 55 sharshy metri órtenip, 130 sharshy metri qulaǵan. Al oqıǵa ornynan tabylǵan er adam 1979 jyly týǵan perzenthananyń kúzetshisi ekeni anyqtaldy. Keıinirek jarylystan jalpy úsh adamnyń qaza bolǵany jarııa etildi. «О́kinishke qaraı, 1979 jyly týǵan kúzetshi, 1980 jyly týǵan jumysshy jáne 18 kún buryn týǵan sábı qaıǵyly oqıǵanyń qurbany boldy. Qaza tapqandardyń otbasylaryna kóńil aıtamyz. Zardap shekkenderge kómek kórsetý jáne osy qaıǵyly oqı­ǵany tergeý úshin vedomstvo barlyq qa­jet­ti sha­­­rany qabyldaıdy», dep habarlady Den­­saýlyq saqtaý mınıstrligi. Sondaı-aq Densaýlyq saqtaý mınıstri Ajar Ǵınııat qaza tapqandardyń otbasylaryna kóńil aıtty. «Dál qazirgi ýaqytta jaǵdaı Densaýlyq saqtaý mınıstrliginiń baqylaýynda tur. Zardap shekkenderdi qalanyń medısınalyq uıymdarynda stasıonarlyq jaǵdaıda emdeý úshin barlyq shara qabyldanýda. Budan basqa Túrkistan oblysy boıynsha júkti jáne jańa týǵan nárestelerdi baǵyt­taý­dy uıym­das­tyrý jáne ózgertý boıyn­sha ju­mystar shuǵyl túrde júzege asyrylýda», dep jazdy Ajar Ǵınııat feısbýktegi paraqshasynda.

Al keshegi brıfıngte oblystyq qoǵam­dyq densaýlyq basqarmasynyń basshysy Marat Pashımov zardap shekkenderge kó­mek kórsetiletinin, perınataldyq orta­lyq aldaǵy ýaqytta jumysyn jalǵas­ty­­ra­tynyn jetkizdi. «Bul jaǵdaı oblys ákimi­niń baqylaýynda. Jarylys saldarynan jaraqat alǵandardyń jaǵdaıy tu­raq­ty. Naqtylaı ketsek, jaraqat alǵan jeti adamnyń 5-eýi oblystyq perınataldyq ortalyqta jumys isteıdi. Iаǵnı tórteýi kishi býyn qyzmetkerleri, bir medbıke. Ortalyq aýmaǵynda kúrdeli jóndeý ju­mystary júrgizilip jatqan bolatyn. Ja­ra­­qat alǵandardyń ekeýi sol jerdegi ju­mysshy. Barlyǵynyń jaǵdaıy turaqty. Olarǵa A.Syzǵanov atyndaǵy UǴHO dárigerleri keńes berip, psıhologter to­by­­nyń jumysy uıymdastyrylǵan», dedi basqarma basshysy. Sondaı-aq brıfıngte Densaýlyq saqtaý mınıstrligi Ana men bala densaýlyǵyn qorǵaý departamentiniń dırektory Maǵrıpa Embergenova perzenthanalarda bolyp, emdelýshileriniń jaǵdaıyn bilgenin, olarǵa barlyq jaǵdaı jasalǵanyn má­lim etti.

Aıta ketelik, Shymkent qalalyq polı­sııa departamenti bastyǵynyń birinshi oryn­­basary Murat Altaev pen qalalyq polı­sııa departamenti tergeý basqarmasynyń bas­­ty­ǵy Dáýletkeldi Ábdiramanovtyń ha­bar­­­laýynsha, jedel tergeý toby qu­ry­lyp, sotqa deıingi tergep-tekserý jumys­ta­ry bas­talǵan. Atalǵan oqıǵaǵa oraı polısııa departamentinde Qylmystyq kodek­stiń 292-babyna sáıkes qylmystyq is qoz­ǵal­ǵan. О́rt qaýipsizdigi erejesin saq­ta­maǵan aza­mattardyń qylmystyq áre­ketin ásh­ke­re­leı­tin bul bap boıynsha eki jyl­dan jeti jyl­ǵa deıingi aralyqta bas bos­tan­dy­ǵynan aıyrý kózdelgen.

 

ShYMKENT

Sońǵy jańalyqtar

Dollar qymbattady

Qarjy • Búgin, 10:59

Elordada áýe shary qulady

Oqıǵa • Búgin, 10:37

Qarjy mınıstriniń orynbasary taǵaıyndaldy

Taǵaıyndaý • Búgin, 10:24

EQYU Bas hatshysy Qazaqstanǵa keledi

Parlament • Búgin, 09:31

Beısenbige arnalǵan aýa raıy boljamy

Aýa raıy • Búgin, 09:00

Uqsas jańalyqtar