Referendým-2022 • 22 Mamyr, 2022

Referendýmdy qoldaýǵa úndeý jasady

147 ret kórsetildi

«Egemen Qazaqstan» RG» JShS basqarma tóraǵasy, Amanat partııasy janynan qurylǵan respýblıkalyq shtab múshesi Darhan Qydyráli Túrkistan oblysynda bolyp, birqatar kezdesý ótkizdi. Jıyndarǵa Amanat partııasy Túrkistan oblystyq fılıalynyń atqarýshy hatshysy, partııa janyndaǵy oblystyq shtab tóraǵasy Beısen Tájibaev, oblystyq jáne aýdandyq máslıhat depýtattary qatysty.

Jańadan ashylǵan Túrkis­tan mýzykalyq drama teatrynda mádenıet salasynyń qyzmet­kerlerimen ótken kezdesýde refe­rendýmnyń mán-mańyzy jóninde keńinen áńgimelendi. Sondaı-aq belsendi qoǵam ókilderi mańyzdy bastamany qoldaýǵa shaqyryp, usy­nys-pikirlerin ortaǵa saldy.

«Referendým árbir azamat­tyń bılikke aralasýyn, bıliktiń halyqqa qyzmet etýin, ekeýiniń ara­synda alshaqtyq bolmaýyn negizge alyp otyr. Bul – Úkimet ádil, shynaıy ári ashyq bolsyn degen qaǵıdadan týyndaǵan she­shim. Jalpy, eldiń órkendeýine árqaı­symyz úles qosýy­myz kerek», dedi respýblı­kalyq shtab múshesi D.Qydyráli. Al Túr­kistan joǵary medısınalyq kolled­jin­de medısına salasy­nyń qyzmetker­leri jáne stýdent­terimen kezdesý ashyq dıalog negizinde ótip, búgingi kúni ma­ńyzǵa ıe bolyp otyr­ǵan re­ferendým jaıy sóz boldy. Kons­tıtýsııaǵa ózgerister engizi­­letin 33 baptyń ár tarmaq­tarynda kórsetilgen salalyq zań­darǵa jekeleı toqtalǵan Darhan Qydyráli olardyń ba­­sym bóli­gi negizgi tar­maq­tarǵa ıaǵnı mem­lekettik basqarý, quqyq­tyq jáne saıası júıege qatys­ty ekenin atap ótti. Qaty­sý­­shy­lar­dy aldaǵy ýaqytta jo­ly­­myz­dy aıqyndaıtyn jańa basta­malardan qalys qalmaı, qoldaý kórsetip, daýys berýge shaqyrdy. 

Respýblıkalyq jáne oblys­tyq shtab músheleri Saıram aýdan­ynda birqatar eldi meken­di aralap, turǵyndarmen kez­des­ti. Aýdan turǵyny Nızam­han Súleımenov bankten 6 mlrd teńge nesıe alyp, óz qara­ja­tynan 1 200 oryndyq 4 mektep­tiń qury­lysyn júrgizýde. Bul áleý­met­tik salaǵa tolyqtaı jete ber­meıtin memlekettik bıýdjet úshin aıtarlyqtaı kómek. Shtab músheleri sonyń biri – Man­­kentte salynyp jatqan mektep qury­lysymen tanysty. Mek­tep jaz aıy­nyń sońynda paı­dalanýǵa berilip, oqýshylardy qabyldaıdy dep jos­parlanýda.

Kezdesýlerde negizinen 5 maýsymda ótetin Konstıtýsııaǵa ózge­rister engizý jónindegi refe­ren­dým týraly aıtyldy. «Bul re­ferendýmnyń orny bólek. Pre­zı­denttiń ókilettigin bólisý, Parla­menttiń jáne sottyń yq­palyn kúsheı­tý, saılaý júıesin naqtylaý­men erekshelenýde. Kez­desýlerde Kons­tıtýsııalyq túzetýlerge qatys­ty jaqsy usy­nys-pikirler aıtyldy. Jal­py, Túrkistan jurtshy­ly­ǵy­nyń referendýmǵa degen úlken qyzy­ǵýshylyǵyn kórdik. Bel­sendiligin baıqadyq», deıdi res­pýb­lıkalyq shtab múshesi. Jıyn qaty­sý­shylary tarapy­nan da ózekti taqyryptar qozǵalyp, D.Qydyr­álige usynystar aıtyl­dy. Má­selen, «Manket agro 2020» atty iri aýyl sharýashylyq ón­di­ris­tik kooperatıviniń tóraǵasy Batyr Anarmetov sharýa qoja­lyq­­taryna sýbsıdııa bólýge qatys­ty kedergilerdi baıandady. Al Qa­ra­bulaq aýylyndaǵy №100 mek­­tepte ótken kezdesýde mek­tep ujymy, jalpy, aýyl turǵyn­dary­nyń eldegi saıası reformalardy erekshe úmitpen qarsy alyp otyr­ǵany ańǵaryldy. Aýyl halqy, muǵa­limder men dárigerler josparlanyp otyr­ǵan saıası reformalarǵa oń kóz­qarastaryn bildirdi. Kezde­sýlerge oblystyq máslıhat depý­tattary da qatysyp, Jańa Qa­zaqstannyń irgetasy ispettes refe­ren­dýmdy qoldaýǵa úndeý jasady.

 

Túrkistan oblysy

Sońǵy jańalyqtar

Dollar arzandady

Qarjy • Keshe

Uqsas jańalyqtar