Kollajdy jasaǵan Záýresh Smaǵul, «EQ»
Bekzat Tilegen avtokólikti alý, resimdeý jumystarynyń ózi oılaǵannan da jyldam júrgenine qýanǵanyn, tańǵalǵanyn jasyrmady.
– Baǵdarlama iske qosylǵan kúni, ıaǵnı 16 mamyrda túski úzilis kezinde avtosalonǵa kelip ótinim berdim. Jumys kúni aıaqtalar shaqta menedjer habarlasty. VIN-kod pen tólemge arnalǵan shotty alyp ketýimdi surady. Odan keıin bankke baryp nesıege ótinim berdim. О́nerkásipti damytý qorynan úsh kúnniń ishinde nesıeniń maquldanǵany týraly jaýap keldi. Osylaısha, bank menedjeri ótinimniń maquldanǵanyn aıtyp súıinshi surady. Sóıtip, kólikti resimdeý jumystary bastaldy, – dedi Bekzat.
Ol qujattardy resimdeý jumystaryna shamamen 15 myń teńge tólegenin, sondaı-aq KASKO saqtandyrýynyń alǵashqy aıyna tólem jasaǵanyn jetkizdi. Saqtandyrýdyń jalpy somasy kólik qunynyń 1,2 paıyzyna teń.
– Shynymdy aıtsam, jeńildetilgen avtonesıe – óte yńǵaıly baǵdarlama. О́zimde buryn mashına bolǵan. Biraq salonnan jańa kúıinde alǵash ret kólik ıelenip turmyn. Men barǵan avtosalonda kóliktiń eki túri boldy, sonyń birin tańdap, resimdedim. Avtonesıe alý prosesi ashyq ári kedergisiz ótti. Túsingenim, klıenttiń turaqty jumysy bolǵany abzal. Sondaı-aq jeke tulǵanyń nesıe tarıhy taza bolǵany jón. О́zim mashına qurastyrý boıynsha ınjenermin. Eki balanyń ákesimin, – dedi Bekzat Tilegen.
Ol óz sózinde byltyrdan beri kólik baǵasy qymbattaǵanyn atap ótti.
– Men tańdaǵan model byltyr shamamen 5,7 mln teńgege baǵalanǵan edi. Jalpy, ańǵarǵanym, kólik baǵasy jańa baǵdarlama bastalǵan sátten emes, jyl basynan bastap qymbattady, – dedi ol.
«Bank Sentr Kredıttiń» elordadaǵy fılıaly dırektorynyń mindetin atqarýshy Gúljıhan Hamıtovanyń aıtýynsha, bank respýblıka boıynsha 4 myńǵa jýyq ótinim qabyldaǵan.
– Elordada, Almaty men Shymkentte suranystyń kóptigi baıqaldy. Skorıng júıesi boıynsha teris jaýap alyp jatqandar da bar. Nesıe berý kezinde ótinim ıesiniń turaqty jumysy, tıisinshe alty aılyq merzimde mindetti zeınetaqy aýdarymynyń bolýyna, nesıe tarıhynyń durystyǵyna, tólem qabilettiligine nazar aýdarylady. Bul rette ıpotekasy bar adamdar da avtonesıe resimdeı alady. Eń bastysy, úmitkerdiń jalaqysy jaqsy jáne zeınetaqy aýdarymdary durys bolýy shart, – dedi Gúljıhan Hamıtova.
Sondaı-aq ol KASKO saqtandyrý bir jylǵa resimdeletinin, sodan keıin ony qaryzdyń qaldyǵyna resimdeý kerektigin, tıisinshe tólemniń azaıatynyn túsindirdi. Iаǵnı kópshilik aıtyp júrgendeı, saqtandyrý tólemin jeti jyl úshin birden tóleýdiń qajeti joq.
«Bank SentrKredıttiń» avtonesıeleý jónindegi kýratory Áıgerim Qystaýbaevanyń pikirinshe, astanada Chevrolet, Kia jáne Hyundai brendterine suranys joǵary. Ázirshe maquldanǵan nesıelerdiń deni Chevrolet Cobalt jáne Chevrolet Nexia markalaryna tıesili.
– Nesıesi maquldanbaǵandar da bar. Skorıng júıesi sheshimdi ózi qabyldaıdy jáne avtomatty túrde jaýap beredi. Shamamen 10 ótinimniń 3-4-eýi maquldanbaıdy, – dedi Áıgerim Qystaýbaeva.
Chevrolet avtosalonynyń ókilderi Bekjan Tilegennen bólek, taǵy birneshe adam búgin-erteń tańdaǵan kólikterin alyp ketetinin aıtty.
О́nerkásipti damytý qorynyń málimetinshe, búgingi tańda jeńildetilgen avtonesıe baǵdarlamasy boıynsha jalpy quny 31,7 mlrd teńgege 4 290 ótinim maquldanǵan.
Eske sala keteıik, 4 paıyzdyq jeńildetilgen avtonesıe baǵdarlamasyna 100 mlrd teńge bólinip otyr. Baǵdarlama 30 jylǵa shaqtalǵan. Baǵdarlama aıasynda beriletin nesıeniń jyldyq syıaqy mólsherlemesi – 4 paıyz. Bankterden 10 mln teńgege deıin nesıe alýǵa bolady. Qarjylandyrý merzimi 7 jyldan aspaıdy. Nesıeniń bastapqy jarnasy 0 paıyzdan bastalady. Kólik quny 15 mln teńgeden aspaýy kerek.
Baǵdarlama boıynsha Kia, Hyundai, Chevrolet, JAS, LADA brendterdiń ónimin satyp alýǵa múmkindik bar. Avtonesıe alý úshin «Eýrazııalyq Bank», «Bank SentrKredıt», «Qazaqstan Halyq banki», Forte Bank sekildi ekinshi deńgeıli bankterge júginýge bolady.
Baǵdarlamaǵa qatysýdyń qadamdary kelesideı. Aldymen dılerlik avtoortalyqqa baryp, otandyq óndiristen shyqqan avtomobıldi tańdaý kerek. Avtoortalyq ókilderi úmitkerge VIN-kod pen tólemge arnalǵan shot beredi. Úmitker ony bankke aparyp tapsyrýy shart. Bank ótinimdi qabyldaıdy. Nesıe maquldanǵan soń bank kepilhat beredi. Ony dılerlik avtoortalyqqa tapsyrady.
Aıta ketý kerek, ótinim bergennen keıin tutynýshy tańdalǵan avtomobıldiń markasy men modelin ózgerte almaıdy. Sondaı-aq kezekte turǵan oryndy basqa adamdarǵa qaıta tirkeýge bolmaıdy. Baǵdarlamaǵa bir úmitker eki jylda bir ret qana qatysa alady.
