Aımaqtar • 22 Mamyr, 2022

Qonaev qalasynda ótken kezdesýler

54 ret kórsetildi

Amanat partııasynyń atqarýshy hatshysy Ashat Oralov Qonaev qalasynda partııa aktıvi, zııaly qaýym ókilderi, bastaýysh partııa uıymdary múshelerimen, qalalyq sý elektr stansasy ujymymen birqatar kezdesý ótkizip, aldaǵy jalpyhalyqtyq referendýmnyń mańyzdylyǵyn talqylady.

Zııaly qaýymmen kezdesýde atqarýshy hatshy jańa oblystar qurylǵannan keıin Qonaev qalasy Almaty oblysynyń ákimshilik ortalyǵy retinde osy óńirdiń damýyna qosymsha serpin beretinin atap ótti.

«Qonaev qalasynyń turǵyn­dary – Memleket basshysynyń halyqqa Joldaýynda aıtylǵan elimizdegi aýqymdy ózgeristerdi qyzý qoldaǵan alǵashqylardyń biri. Endi saıası reformalar baǵytyn tolyq júzege asyrý úshin Ekinshi Respýblıkanyń saıası irgetasy bolatyn konstı­týsııalyq reforma júrgizý usynylyp otyr. Elimiz demo­kra­tııalyq qaǵı­­dat­tardy toly­ǵymen ustanady. Buǵan Ata Zańǵa ózgerister men tolyq­ty­rýlar azamattardyń jappaı daýys berýi arqyly engizi­le­tindigi dálel bola alady. Qa­la turǵyndary da bul saıası naý­qanǵa belsendi qatysaty­nyna senimdimiz», dedi Ashat Oralov.

О́z kezeginde Ile aýdany arda­gerler keńesiniń múshesi Erbol Turymbetov oblys jáne qaladaǵy zııaly qaýym ókil­deri, aqsaqaldar, mádenıet jáne sport qaıratker­leri daýys berý­ge shyǵarylatyn túzetý­ler­diń mańyzdylyǵyn túsin­dirý ju­mystaryna belsendi qaty­syp jatqanyn habarlady. «Refe­rendým – bul halqymyz úshin synaq ispetti. Kezdesýler barysynda halyqtyń bul bastamany joǵary baǵalaıtynyn jáne daýys berýge qatysýǵa daıyn ekendigin kóremiz. О́ıtkeni eldegi kez kelgen ózgeris túptep kelgende Ata Zańǵa baılanysty ekeni belgili», dep atap ótti ol.

Partııa aktıviniń jıyny barysynda Ashat Oralov amanattyqtar Memleket basshysynyń qoǵamdyq tiregi jáne eldiń eń iri saıası kúshi bola otyryp, barlyq ózgeris­tiń aldyńǵy shebinde bolýǵa tıis ekenin atap ótti. Onyń aıtýynsha, partııa da búkil elimiz sııaqty transformasııa prose­sin bastan ótkerýde jáne qazir qazaqstandyqtardyń Qasym-Jomart Toqaev usynǵan reformalar baǵyty tóńireginde toptasýy mańyzdy.

Qalalyq sý elektr stansa­synyń ujymymen júzdesý barysynda da aldaǵy ózgerister jaıy talqylandy. Kezdesýge qatysýshylar jalpyhalyqtyq referendým ótkizýdi qoldap, daýys berý kúni qala turǵyndary joǵary belsendilik tanytatynyna senim bildirdi.

Sońǵy jańalyqtar

Dollar arzandady

Qarjy • Keshe

Uqsas jańalyqtar