Aımaqtar • 23 Mamyr, 2022

Eki kúnde 33 jaǵdaı: Shyǵysta orman órti órship tur

22 ret kórsetildi

Demalys kúnderi Shyǵys Qazaqstan oblysynyń ormandarynda 33 órt shyqty, dep habarlaıdy Egemen.kz.

ShQO TJD baspasóz qyzmetiniń málimetine qaraǵanda, óńirde sońǵy eki kúnde 215 ret shóp janǵan. Qyzyl jalynnyń jalpy aýdany 481 gektardy quraǵan. Budan bólek, ormandarda 33 órt shyǵyp, 414 gektar jer otqa orandy.

Qutqarýshylar tilsiz jaýdyń aldyn alý úshin kosmomonıtorıngti paıdalanýda. Ondaǵy derekterdi «Qazaqstan Ǵarysh Sapary» UK AQ men Geosat JShS usynady. Termonúkteler boıynsha derekterdi alyp, otty tutanǵan sátinde sóndirýge múmkindik bar. Búginde ǵaryshtyq tehnologııanyń kómegimen departament qyzmetkerleri 93 órttiń taralýyna tosqaýyl boldy.

Dala órtiniń aldyn alý úshin memlekettik órt baqylaý organdarynyń qyzmetkerleri polıseılermen, ormanshylarmen jáne jergilikti atqarýshy organ ókilderimen birlesip profılaktıkalyq reıdter júrgizýde. 444 adamnan turatyn 68 mobıldi top quryldy.

Búginge deıin 391 reıd ótkizildi. Sonyń nátıjesinde shóp órteýge jáne ot jaǵýǵa baılanysty qaýipsizdik erejelerin buzǵan 38 azamat ákimshilik jaýapkershilikke tartyldy.

Sońǵy jańalyqtar

Dollar qymbattady

Qarjy • Búgin, 10:59

Elordada áýe shary qulady

Oqıǵa • Búgin, 10:37

Qarjy mınıstriniń orynbasary taǵaıyndaldy

Taǵaıyndaý • Búgin, 10:24

EQYU Bas hatshysy Qazaqstanǵa keledi

Parlament • Búgin, 09:31

Uqsas jańalyqtar