Aımaqtar • 24 Mamyr, 2022

Túrkistan oblysynda eki bala shuńqyr sýyna batyp ketti

17 ret kórsetildi

Qaıǵyly oqıǵa Túrkistan oblysy Báıdibek aýdany Shaldar aýylynan 5 shaqyrym jerde bolǵan, dep habarlaıdy Egemen.kz.

Kýágerlerdiń aıtýynsha, oqýshylar únemi shuńqyr mańynda oınaıtyn. 2012 jyly týǵan bala shomylǵysy kelip, sýǵa sekirgen. Onyń batyp bara jatqanyn kórgen ekinshi bala kómekke júgirgen. Ekeýi de ózdiginen shyǵa almaı, sýǵa batyp ketken. Bul jaǵdaı basqa balalardyń kóz aldynda bolǵan.

«Jasandy shuńqyr karer sýymen tolyqqan, eni 20 metr, uzyndyǵy 50 metr, tereńdigi 2 metr bolady. Jergilikti turǵyndar 2012 jyly týǵan eki balanyń denesin sýdan alyp shyqty. Olar shomylýǵa arnalmaǵan jerde sýǵa túsken. Balalar shamamen 17.30-da batyp ketken. Oqýshylardy izdeýge tótenshe jaǵdaı departamentiniń 4 qyzmetkeri, 1 tehnıkasy, polısııa departamentiniń 20 qyzmetkeri jáne 6 tehnıkasy, jergilikti turǵyndar, balalardyń týystary jumyldyryldy», dedi Túrkistan oblysy TJD baspasóz qyzmeti ókili.

Aıana Toǵanbek

Sońǵy jańalyqtar

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Uqsas jańalyqtar