Prezıdent • 24 Mamyr, 2022

Prezıdent jemqorlyqqa qarsy kúresti kúsheıtýdi tapsyrdy

49 ret kórsetildi

Qasym-Jomart Toqaevqa elimizdegi sybaılas jemqorlyqqa qarsy is-qımylǵa qatysty qabyldanyp jatqan sharalar jóninde esep berildi, dep habarlaıdy Egemen.kz Aqordanyń resmı saıtyna silteme jasap.

Agenttiktiń deregi boıynsha bıylǵy 5 aıdyń ishinde sybaılas jemqorlyqqa qatysty 1000-nan astam qylmystyq is tirkelgen. 600-den astam laýazymdy tulǵanyń jemqorlyq áreketi áshkerelengen. Olardyń 110-y – ártúrli deńgeıdegi basshylar.

Oljas Bektenov memleketke keltirilgen zalaldyń ótelýin qamtamasyz etý jónindegi Prezıdent tapsyrmasynyń oryndalý barysy týraly málimet berdi. Jyl basynan beri el bıýdjetine 220 mıllıard teńgeden astam qarjy qaıtaryldy.

Memleket basshysyna Agenttiktiń bızneske zańsyz aralasýdan qorǵaý tetikterin qalyptastyrý úshin sharalar qabyldaǵany jóninde baıandaldy. Is-qımyl algorıtmi ázirlengen. Soǵan sáıkes tergep-tekserýdiń bastalýy men kásipkerlerge qatysty kez kelgen tergeý amaldary ortalyq apparattyń kelisimi arqyly júzege asyrylýǵa tıis.

Sonymen qatar «Atameken» Ulttyq kásipkerler palatasymen birlesip, memlekettik organdardyń bızneske zańsyz aralasý faktilerine jedel nazar aýdaratyn jumys toby quryldy.

Kezdesý sońynda Qasym-Jomart Toqaev sybaılas jemqorlyqqa qarsy jumystardy kúsheıtý jóninde birqatar naqty tapsyrma berdi.

Aıana Toǵanbek

Sońǵy jańalyqtar

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Uqsas jańalyqtar