Bilim • 24 Mamyr, 2022

Stýdentterdiń shákirtaqysy 20 paıyzǵa artady

31 ret kórsetildi

Aldaǵy oqý jylynan bastap elimiz boıynsha 133 myń stýdenttiń shákirtaqysy ósedi. Bul týraly Bilim jáne ǵylym vıse-mınıstri Qýanysh Erǵalıev málim etti, dep habarlaıdy Egemen.kz.

«2022 jyldyń 1 qyrkúıeginen bastap stýdentterdiń shákirtaqysy ulǵaıady. Atap aıtqanda, bakalavrıat 20 paıyzǵa artady. Iаǵnı, 31 423 teńgeden 36 660 teńgege ósedi. Magıstratýra boıynsha 15 paıyzǵa artpaq. 76 950 teńgeden 86 987 teńgege ósedi. Sonymen qatar doktoranttardyń da shákirtaqysy 15 paıyzǵa kóbeıedi. Qazir 172 500 teńge bolsa, jańa oqý jylynan bastap 195 000 teńgege artady», dedi Qýanysh Erǵalıev mınıstrlikte ótken apparattyq jınalysta.

Onyń aıtýynsha, shákirtaqynyń ósýi jalpy sany 133 myń stýdentti qamtıdy.

«Aldymyzda stýdentterdi jazǵy sessııa kútip tur. Oqý oryndary jazǵy synaqty akademııalyq adaldyq prınsıpterine sáıkes ótkizýi qajet. Sonymen qatar túlekterdiń dıplomdaryn ýaqytyly tabystaǵan jón. Sol sekildi, JOO oqý-ádistemelik quraldary men normatıvtik qujattarǵa saı JOO-lar jańa oqý jylyna daıyndyqty 20 tamyzǵa deıin qamtamasyz etýi tıis», deıdi ol.

 

Sońǵy jańalyqtar

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Álemde altyn arzandady

Álem • Keshe

Uqsas jańalyqtar