Aımaqtar • 24 Mamyr, 2022

ShQO turǵynynan qarý-jaraq pen oq-dáriler tárkilendi

23 ret kórsetildi

ShQO turǵynynan qarý-jaraq pen oq-dáriler arsenaly tárkilendi, dep habarlaıdy Egemen.kz.

ShQO polıseıleri «Qarý» jedel aldyn alý is-sharasyn ótkizý barysynda atys qarýlary men oq-dárilerin zańsyz saqtaǵan 32 jastaǵy er adamdy anyqtady.

Jedel-izdestirý is-sharalaryn júrgizý nátıjesinde, polısııa qyzmetkerleri óz úıinde tapanshadan turatyn tutas arsenaldy, sondaı-aq ártúrli kalıbrli patrondardy saqtaǵan 32 jastaǵy О́skemen turǵynyn ustady.

Qaskúnemniń úıin sanksııalanǵan tintý barysynda polıseıler MR-79-8 úlgisindegi gaz pıstoletinen qaıta jasalǵan pıstoletti, WALTHERP gaz pıstoletin, MR-654K úlgisindegi pnevmatıkalyq ózdiginen oqtalatyn kóp oqtaýly gaz ballondy pıstoletti jáne SPSh 44 úlgisindegi sıgnaldyq pıstoletti, sondaı-aq 150-den astam patrondy taýyp, tárkiledi. Bul patrondar zaýyttyq ádispen jasalǵan jáne oq atýǵa jaramdy.

Atalǵan fakti boıynsha QR QK-niń 287-babynyń 3-bóligi (Qarýdy, oq-dárilerdi, jarylǵysh zattar men jarylǵysh qurylǵylardy zańsyz satyp alý, berý, saqtaý, tasymaldaý nemese alyp júrý) boıynsha sotqa deıingi tergeý bastaldy.

Qazirgi ýaqytta is boıynsha qajetti tergeý amaldary júrgizilýde, qaskúnemge qatysty kelý týraly mindetteme túrindegi bultartpaý sharasy tańdaldy.

Aıana Toǵanbek

Sońǵy jańalyqtar

Dollar arzandady

Qarjy • Keshe

Uqsas jańalyqtar