Referendým-2022 • 26 Mamyr, 2022

Jastarǵa berilgen jańa múmkindik

43 ret kórsetildi

Referendýmdy qoǵamdyq qoldaýdyń respýblıkalyq shtaby­nyń qyzmeti sheńberinde Qaraǵandy qalasynyń Dos­tyq úıin­de óńirdegi jastar uıymdarynyń kóshbasshylary men ókil­­derimen kezdesý ótti.

Is-shara «Assambleıa jastary» res­­­pýb­lıkalyq qoǵamdyq birlestigi men «Ulttyq erik­tiler je­lisi» zańdy tulǵalar birles­ti­giniń bastamasymen uıym­das­tyryldy.

– Referendým ótkizýdiń ma­ńyz­­­dylyǵy qoǵam­nyń barlyq sanat­taryna saıası reformalar­dy júzege asyrýǵa qaty­sýǵa múmkindik beredi. Bul quraldy bizdiń jastarymyz da tolyq kólem­de paıdalanýy kerek. Jańa Qazaqstan bul jaı ǵana uran emes, bul jańa qoǵam qurý qaǵıdaty, – dep atap ótti «Assambleıa jas­tary» RQB tóraǵasy Tımýr Jumyrbaev.  Ol sondaı-aq Jańa Qazaqstannyń ásirese, jastarǵa jańa múmkindikterge jol ashatynyn eske salyp ótti. Kezdesý kezinde Qaraǵandy obly­synyń jastar uıym­da­ry­nyń kósh­bas­shy­lary referendým ótkizý jáne Konstıtýsııaǵa túzetý en­gi­zý týraly óz pikirlerimen bó­lis­ti. Jıynǵa qatysýshylar re­for­many iske asyrýdaǵy jas­tar­­dyń belsendiligi, Jańa Qa­z­aqstandaǵy ózekti másele­ler­di sheshý joldary jaıly oılaryn ortaǵa salyp, ózderin qyzyq­tyr­ǵan suraqtaryna jaýap aldy.

Sondaı-aq, qatysýshylar «Assambleıa jastary» jastar uıy­mynyń #MenReferen­dým­ǵaBaramyn heshtegin iske qosý týraly bastamasyn qoldap, jastardy áleýmettik jelilerde túsin­di­rý jumystaryna qosylýǵa sha­qyrdy.

Kezdesýge QHA múshesi jáne jastar uıymynyń óńirlik ókil­di­giniń kóshbasshysy A.Ýrmashov, jastar uıymdarynyń jáne etnomádenı birlestikterdiń jas­tar qanattarynyń kóshbas­shy­lary da qatysyp, elimizdiń Kon­stıtýsııasyna engiziletin ózger­týler men tolyqtyrýlar týraly keńinen aıtyp berdi.

 

QARAǴANDY

Sońǵy jańalyqtar

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Uqsas jańalyqtar