Referendým-2022 • 26 Mamyr, 2022

Baıqaýshylardyń róli basym

515 ret kórsetildi

Partııalyq emes baıqaý ortalyǵynyń uıytqy bolýymen respýblıkadaǵy baıqaýshylarǵa arnalǵan oqý semınary ótti. Semınarǵa ortalyq fılıaldarynyń tóraǵalary men baıqaýshylary qatysty.

Qazirgi ýaqytta baıqaýshylar sanyn aımaqtar boıynsha naq­ty­laý, trenıngter ótkizý, olarǵa materıaldar ázirleý jumystary júrgizilip jatyr. Partııalyq emes baıqaý ortalyǵynyń tóraǵasy Tólegen Kúnádilovtiń aıtýynsha, oqý semınaryna qatysqandar 5 maý­sym kúni ótetin referendýmdy, onyń ishinde saılaý ýchaskelerinde baıqaý men monıtorıng júrgizýge atsalysady. «Referendýmnyń aıqyn, ádil ótýin qamtamasyz etý úshin partııalyq emes baı­qaý­shylar úlken ról atqarady. Ol úshin baıqaýshylar ózderiniń quqyq­tary men mindetterin jáne zańnamany bilýi tıis. Qazir baıqaýshylar arnaıy oqytýdan ótip, bilimin shyńdaýda», dedi ortalyq tóraǵasy.

Semınarǵa qatysýshylar baı­qaý­shylardyń fýnksııalary men mindetterin, sondaı-aq «Res­pýblıkalyq referendým týraly» jáne «Qazaqstan Respýb­lıkasyndaǵy saılaý týraly» zańdarynyń negizgi ereje­le­rin talqylady. Is-shara barysynda baıqaýshylar saılaý organ­da­rynyń quzyreti, daýys berý kúni saılaý komıssııasynyń qyz­metin uıymdastyrý, qoǵamdyq baı­qaý­shylardyń quqyqtary men mindetteri, sondaı-aq olardyń jumys isteý qaǵıdattary syndy máselelerdi qarady.

Osy baǵytta qatysýshylarǵa saılaý boıynsha tájirıbeli maman, Ortalyq saılaý komıssııasynyń burynǵy múshesi Serik Sydyqov «Respýblıkalyq referendýmdaǵy baıqaýshylardyń ókilettikteri, quqyq­tary men mindetteri» taqy­ry­bynda dáris oqydy. Spıker zań­darda belgilengen baıqaý­shy­lardyń quqyqtary men mindet­te­riniń negizgi sıpattamalary men erekshelikterin tolyǵyraq baıandady.

«Referendýmda baıqaý­shy­lardyń róli óte mańyz­dy. Olardyń basty mindeti – pro­sesti obektıvti túrde qada­ǵa­lap, ádil jáne adal ótkizý­ge yqpal etý. Baıqaýshynyń ne­giz­gi fýnksııasyna daýys berýge, saılaý ýchaskesinde daýys berý qorytyndylaryn belgileýge qo­ǵam­­dyq baqylaýdy qamtamasyz etý jáne azamattardyń saılaý quqyqtarynyń saqtalýyn qada­­­ǵalaý jatady», dedi Serik Sydyqov.

Semınar sońynda referen­dýmǵa daıyndyq barysy tal­qylanyp, sarapshylar qatysý­shy­lardyń suraqtaryna jaýap berdi.

Sońǵy jańalyqtar

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Uqsas jańalyqtar