Bilim • 26 Mamyr, 2022

Balǵyndardyń bilim básekesi

850 ret

kórsetildi

1 mın

oqý úshin

Memleket basshysy jarııalaǵan Balalar jylyna oraı Mańǵystaý oblysynda balalar úshin birqatar is-sharalar belgilengen. Osy is-sharalar aıasynda Mańǵystaý oblysynyń bilim basqarmasy «Daryn» oblystyq qosymsha bilim ortalyǵynyń is-sharalar josparyna sáıkes jalpy bilim berý uıymdarynyń «RoboMańǵystaý» ashyq chempıonatynyń oblystyq kezeńi túrli pánderdi tereńdetip oqytatyn daryndy balalarǵa arnalǵan oblystyq mamandandyrylǵan mektep-ınternaty ǵımaratynda ótkizildi.

Gúlaıym DÁÝITBAI

Ashyq chempıonattyń maqsaty – robotty qurastyrý jáne baǵdarlamalaý baǵytynda daryndy oqýshylardy anyqtaý, qoldaý kórsetý jáne bilim salasynda ǵylym men tehnologııanyń damýyna oraı oqýshylardy ǵylymı izdenispen aınalysýǵa daǵdylandyrý.

Ashyq chempıonat 5-11-cynyp oqýshylary úshin «Robo-GID» jarysy, 1-4-cynyp oqýshylary úshin «Robo Boz jorǵa» jáne «Robottardyń arqan tartysy» jarystary, 5-11-cynyp oqýshylary úshin «Robo-Alaman báıge» jarysy atalymdarynda ótti. Al barlyq synyptar úshin «Úı kómekshisi» taqyrybynda shyǵarmashylyq baıqaýy uıymdastyryldy. Ashyq chempıonattyń oblystyq kezeńine aýdan, qala, oblystyq mamandandyrylǵan mektepterden 49 oqýshy qatysty.

Sondaı-aq Mańǵystaý oblysynda bastaýysh synyp oqýshylarynyń oblystyq olımpıadasy ótti. Bastaýysh synyp oqýshylarynyń bilimi men qabiletin anyqtap, pánge qyzyǵýshylyǵyn arttyrý, bastaýysh synyp oqýshylarynyń olımpıadalyq rezervin jasaqtaý, daryndy balalardy qoldaý jáne damytý maqstaynda ótken olımpıadaǵa qazaq tilinde jáne orys tilinde bilim beretin mektepterdiń 2-4 synyp oqýshylary qatysty. Olımpıadada árbir oqýshy 3 pán – matematıka, qazaq tili men ana tili, dúnıetaný pánderi boıynsha tapsyrma oryndady. Olımpıadaǵa 36 oqýshy qatysyp, 21 oqýshy jeńimpaz atandy.

Mańǵystaý oblysy